قبل ساعه خسف نور القمر ثم عاد=وعمدتنا هكالساعه وش اخباره
انا مدري سجد والا قلبها رقاد=ترا هاذي عوايد عمدة الحاره

الله الله الله

صح لسانك يامعجب


الرجال صلى شفته في المسجد
هههههههههههههههههههههه


مبدا رائع

في انتظار العمده
وصح لسانه مقدما


واصلواااااا متاااااابع









تحيااااتي

خسوف البدر آية تجعل الاجواد=تفكر فالزمان وشــــــره وخاره
لو ان النوم من عادات ابن شداد=من يقود المعارك فالطلب غاره

ليامنك عرفت القصد منه ازداد=تأمل في جمال الكون واسراره
انا ماقولها ياصاحبي نشّاد=حقيقه قلتها والناس محتاره

ترى الدله تكفيني عن البراد=مدام ان ابن عمي قد شعم ناره
على الحبلين ناوي يلعب القصاد=ولكن الصقر في كف صقاره

على هونك على هونك بدون عناد=مواضيعك لها كم يوم منهاره
مدام انك ياعمدتنا بعد صياد=وراك تغطي العميان ف ادواره

بنينها على ساس وعمد واوتاد=ولكن اكثـــــــر العربان بواره
يقولون الجمل ينهض بفعل قراد=وانا خايف على اهل الحمض من زاره

انا ماذمكم لكنّ ابه حساد=واخص اللي لبس وزره ونظاره
فتح سبعة دكاكين وقعد حصّاد=واضن المنتدى مايعرف اخطاره

ولي العرش لاهل الحسد بالمرصاد=وراع الكار وانا اخوك في كاره
الاخطل والفرزدق باكثر الورّاد=يداوون الجوير اللي فقد جاره

انا بنصحك من دعوة ولد عبّاد=وراع المنتدى واهله وزواره
ترا الشعار لا زادو تضيع امجاد=ويبقى منتدانا يرثي اشعاره

انا مـــا اخاوي الا حامد وحماد=طحاطيحً بنادقهم على الشاره
يا معجب لا تهمك جعصة الاكراد=ترى مافيهم اللي يحتمي داره

معجب العتيبي

قبل ساعه خسف نور القمر ثم عاد=وعمدتنا هكالساعه وش اخباره
انا مدري سجد والا قلبها رقاد=ترا هاذي عوايد عمدة الحاره

العمــــــدة

خسوف البدر آية تجعل الاجواد=تفكر فالزمان وشــــــره وخاره
لو ان النوم من عادات ابن شداد=من يقود المعارك فالطلب غاره

معجب العتيبي

ليامنك عرفت القصد منه ازداد=تأمل في جمال الكون واسراره
انا ماقولها ياصاحبي نشّاد=حقيقه قلتها والناس محتاره

العمــــــدة

ترى الدله تكفيني عن البراد=مدام ان ابن عمي قد شعم ناره
على الحبلين ناوي يلعب القصاد=ولكن الصقر في كف صقاره

معجب العتيبي

على هونك على هونك بدون عناد=مواضيعك لها كم يوم منهاره
مدام انك ياعمدتنا بعد صياد=وراك تغطي العميان ف ادواره

العمــــــدة

بنينها على ساس وعمد واوتاد=ولكن اكثـــــــر العربان بواره
يقولون الجمل ينهض بفعل قراد=وانا خايف على اهل الحمض من زاره

معجب العتيبي

انا ماذمكم لكنّ ابه حساد=واخص اللي لبس وزره ونظاره
فتح سبعة دكاكين وقعد حصّاد=واضن المنتدى مايعرف اخطاره

العمــــــدة

ولي العرش لاهل الحسد بالمرصاد=وراع الكار وانا اخوك في كاره
الاخطل والفرزدق باكثر الورّاد=يداوون الجوير اللي فقد جاره

معجب العتيبي

انا بنصحك من دعوة ولد عبّاد=وراع المنتدى واهله وزواره
ترا الشعار لا زادو تضيع امجاد=ويبقى منتدانا يرثي اشعاره

العمــــــدة

انا مـــا اخاوي الا حامد وحماد=طحاطيحً بنادقهم على الشاره
يا معجب لا تهمك جعصة الاكراد=ترى مافيهم اللي يحتمي داره