مرحبا ترحيبةٍ فيها الحلاوة والمرارة= مثل ماقال ابن عاصي مرها يسبق حلاها
العصيمي في غيابي قيل دربى له حجارة=مار انا ماشفتها واللي ذكرها ما لقاها

ياعسى فيك البقاء والكل مرسومٍ قراره = واكثر العربان كحله جاب لعيونه عماها
العصيمي معه زندٍ يقدحه ويشب ناره = وانت رجال بخير وكل داء والها دواها

السوالف في ضميري تصفق والعلم شارة=مار ابا اعلمك وحدة والبقية في قفاها
ودي اسير على دار التقدم والحضارة=من طحي ليا سنام امتع عيوني وآراها

السوالف للعوارف والرمي يبغى شطاره = خل عنك المخطيه والمقفيه للي يباها
كان هذا العلم عانه في حديجة والقراره = عن سنام وعن طحي يردكم حامي حماها

المعرفة بين عراف البشر تحسب تجارة=وانت عندك نيةٍ ماني بناشد عن خفاها
احسب انك تاتقول الكيف أقند لك بهارة=الحضارة ماتغير من تحفظ سلوم أباها

لاتصرفها نعرف العلم هذا شوف غاره=العصيمي يعرف الشعار ويعرف امعناها
سلمنا مايخلفه وقت البرودة والحراره=والضيوف اليا لفتنا تبشر بكرمة لحاها

ما بغيت الهرج يخرج يالعصيمي عن مساره=مار اشوفك عن طريقاً نسلكه قمت تحداها
ما اختلفنا في كرمكم... مار علمك بإعتباره=ضيقة من هرجتي ويش السبايب من وراها؟

والله إنا مانهد البيت ياعامر جداره = مار والله مامشانا للاوادم في هواها
ماختلفنا مع يمين الدرب مانعطي يساره = منهو اللي قال ضقنا منك جاوبنا علاها

ندري انك ياوسيع العرف تنطق من جدارة=مار رجلك سجها فالدرب لا تقصر خطاها
الجواب موضحاً من بين قوسين بعبارة=في علو الصفحة اللي غيّر اسمك محتواها

الجداره حزة الشدات فالماقف نماره = سرها مرسرا الذياب اليا سرت تبغى عشاها
لاتخبط الارض يابندر يثوّر لك غباره = انتبه للحرة ايصيبك حصاةٍ من حصاها

فالمواقف لا يهمك ..معيّ نمرة واستماره=فوق منزال النجوم اللي تشعشع في سماها
الصلاة اللي تصلي ما تجوز بلا طهارة=وانت تفهم هرجتي ياصاحبي ويش مغزاها

كفو ماقلنا قصور بكل سكان الخضاره = سوقها في سوقها يالين تاصل منتهاها
بالطهاره طاهرين وروسنا تقدح نعاره = وانت ندري علومك كلها من مبتداها

ما عليكم زود ياهل الحارة اللي وسط حارة=اسمها وادي عصيل وبالوفاء كلا لقاها
كل تاجر مدركاً ويش المكاسب والخسارة=ما يسّوق سلعةٍ ما احدٍ يبا يرغب شراها

جعلها للسيل ديرة مكرمٍ ضيفه وجاره = دارنا ودياركم سوا سوا في مستواها
نشتري وقت الشراء ونبيع للشاري سطاره = مار جم البير تال الوقت مايسقيك ماها

بندر المرشدي=

مرحبا ترحيبةٍ فيها الحـلاوة والمـرارة=مثل ماقال ابن عاصي مرها يسبق حلاها
العصيمي في غيابي قيل دربى له حجارة=مار انا ماشفتها واللي ذكرها ما لقاهـا

سعود العصيمي=

ياعسى فيك البقاء والكل مرسومٍ قراره=واكثر العربان كحله جاب لعيونه عماها
العصيمي معه زندٍ يقدحه ويشب نـاره=وانت رجال بخير وكل داء والها دواها

بندر المرشدي=

السوالف في ضميري تصفق والعلم شارة=مار ابا اعلمك وحدة والبقية فـي قفاهـا
ودي اسير على دار التقـدم والحضـارة=من طحي ليا سنام امتع عيوني وآراهـا

سعود العصيمي=

السوالف للعوارف والرمي يبغى شطاره=خل عنك المخطيه والمقفيه للـي يباهـا
كان هذا العلم عانه في حديجة والقراره=عن سنام وعن طحي يردكم حامي حماها

بندر المرشدي=

المعرفة بين عراف البشر تحسب تجارة=وانت عندك نيةٍ ماني بناشد عن خفاها
احسب انك تاتقول الكيف أقند لك بهارة=الحضارة ماتغير من تحفظ سلوم أباهـا

سعود العصيمي=

لاتصرفها نعرف العلم هذا شوف غاره=العصيمي يعرف الشعار ويعرف امعناها
سلمنا مايخلفه وقت البرودة والحراره=والضيوف اليا لفتنا تبشر بكرمة لحاها

بندر المرشدي=

مابغيت الهرج يخرج يالعصيمي عن مساره=مار اشوفك عن طريقاً نسلكه قمت تحداهـا
ما اختلفنا في كرمكم... مار علمك بإعتباره=ضيقة من هرجتي ويش السبايب من وراها؟

سعود العصيمي=

والله إنا مانهد البيت ياعامـر جـداره=مار والله مامشانا للاوادم فـي هواهـا
ماختلفنا مع يمين الدرب مانعطي يساره=منهو اللي قال ضقنا منك جاوبنا علاها

بندر المرشدي=

ندري انك ياوسيع العرف تنطق من جدارة=مار رجلك سجها فالدرب لا تقصر خطاها
الجواب موضحاً من بين قوسين بعبـارة=في علو الصفحة اللي غيّر اسمك محتواها

سعود العصيمي=

الجداره حـزة الشـدات فالماقـف نمـاره=سرها مرسرا الذياب اليا سرت تبغى عشاها
لاتخبط الارض يابندر يثـوّر لـك غبـاره=انتبه للحرة ايصيبك حصاةٍ مـن حصاهـا

بندر المرشدي=

فالمواقف لا يهمك ..معيّ نمرة واستماره=فوق منزال النجوم اللي تشعشع في سماها
الصلاة اللي تصلي ما تجوز بلا طهـارة=وانت تفهم هرجتي ياصاحبي ويش مغزاها

سعود العصيمي=

كفو ماقلنا قصور بكل سكان الخضاره=سوقها في سوقها يالين تاصل منتهاها
بالطهاره طاهرين وروسنا تقدح نعاره=وانت ندري علومك كلها من مبتداها

بندر المرشدي=

ما عليكم زود ياهل الحارة اللي وسط حارة=اسمها وادي عصيل وبالوفاء كـلا لقاهـا
كل تاجر مدركاً ويش المكاسب والخسـارة=ما يسّوق سلعةٍ ما احدٍ يبا يرغب شراهـا

سعود العصيمي=

جعلها للسيل ديرة مكـرمٍ ضيفـه وجـاره=دارنا ودياركم سوا سـوا فـي مستواهـا
نشتري وقت الشراء ونبيع للشاري سطاره=مار جم البير تال الوقت مايسقيـك ماهـا