سلام باسم مهندس الكلمات للي يسمعون = تسليمن احلى من عسل دوعان وسط المنحله
انا نديب مطير فالميدان حمران العيون = واللي تباه مطير مني من عتيبه تزهله

يامرحبا ترحيب يظفي يالمطير على المتون =مثل البشوت اللي على طوال العمار المذهله
انت نديب امطير مار مطير عيوا يفهمون= ياكم قريئنا فوقهم بالحشر بعد البسمله

ياصاحبي ما ودنا والله نكثر ف الطعون= وتظيق كل مطير والمندوب والله تعزله
انته تبا تأكل وتعلج مار ماعندك سنون= واللي يظرك ف الجما ياصاحبي لا تأكله

الشعر له شعار ولا السوق يبغاله زبون = اليا سكتنا مشكله وليا هرجنا مشكله
من خبرة من واقع تجاريب السنون = لو طال مع بادي كثير الهرج يمكن اقتله

من خبرة الدنيا ومن واقع تجاريب السنون = لو طال مع بادي كثير الهرج يمكن نقتله

الشعر له شعار ونته لا وصلت ولانت دون= يبس القصيل ولابقي يغير طحن السنبله
حنا عتابه يالمطيري مخلفت كل الظنون= والقتل ماهو طبع لك فاخر زمانك ووله

يابادي المرقاب هونها على نفسك تهون = بيني وبينك يالعتيبي والحقوق مكمله
مرات اقول اتمون يابادي ومره ماتمون = ان عدتها ولله لاغربل حياتك غربله

ليتك تسدد ما على الجدان والله من ديون = قدام لاتطلع جبل يا صاحبي أوتنزله
أنته تبا تعطي مع الريعان مع درب الحجون= كبرتها صغرتها ياهيه ماهي مساله

المشاركة الأصلية كتبت بواسطة بادي المراقيب (المشاركة 711789) ليتك تسدد ما على الجدان والله من ديون = قدام لاتطلع جبل يا صاحبي أوتنزله أنته تبا تعطي مع الريعان مع درب الحجون= كبرتها صغرتها ياهيه ماهي مساله