يا اهل النياق اللي عليهن تصكون =
=من فضلكم لا تسجنون البهايم
مافيه داعي للبهايم تحبسون =
=خلو عطايا الله تذب الخرايم
ياليتكم عن مشتراها تجوزون =
=ولا تبعد عن صطول القمايم
اما عطوها حقها لا تشحون=
=ولا اتركوها مالكم بالظلايم
بحقوقها اللي وافيه لا تعيون=
=الله عطاها للصحاري قوايم
والبل بها شجعان نجد يتعزوون =
=اللي وراها يجدعون العمايم
مقدارها عند المناعير مضمون =
=يومنها بين القبايل غنايم
ليت الذي تحت المقابر يشوفون=
=اللي عن البل جاهدوا بالعزايم
اللي بميدان المعارك يهوشون =
=يوم الرمك تعطي هجوم وهزايم
هذا وانا مالي على الناس قانون =
=وجهة نظر ما افرض عليهم لزايم
واللي عطوها حقها مايلامون =
=بعناية البل مالحقهم لوايم

المشاركة الأصلية كتبت بواسطة الحروب مرعبين القلوب (المشاركة 722390) صح لسان الشاعر بدر الحويفي وسلمت يمنـاك يالغالي

المشاركة الأصلية كتبت بواسطة عبدالله الجـــذع (المشاركة 722398) الله.. صح لسان العلم بدر الحويفي على هذه الشامخه لاهنت ياالفيصل يالغالي محبك ,

المشاركة الأصلية كتبت بواسطة فهد العطاوي555 (المشاركة 722897) صح لسان شاعر حرب الشاعر بدر الحويفي ولك الشكر انت ايضا

المشاركة الأصلية كتبت بواسطة محمد العتيبي (المشاركة 722938) صح لسان الحويفي على هذه القصيده او الرساله لاهل الابل .. تحيتي ...

المشاركة الأصلية كتبت بواسطة السبيــــعي (المشاركة 725142) صح السان الشاعر بدر الحويفي وقلبه .. وسلمت عالنقل يابعدي

المشاركة الأصلية كتبت بواسطة راعي الديرة (المشاركة 736123) مشكور وتسلم أنت والحربي