ياطير يالي جناحينك سيوف ٍ حداد=الآدمي ما يتوب إلا بعد سيّته
عليك وجه القصيد إلي بيوته جداد=لا عاد تبحث خفى قلبا ً على نيّته
إن زاد عمره همومه كلها في أزدياد=ما فاد وقته علاقاته وجاهيّتـه
وإلي متونه تشيل الحمل شيل الشداد=وقع المصايب ترى بأسمه وملكيّتـه
يا طير شوف النفوس إلي تجوب البلاد=وأقليمنا كثرته تشبـه لأقليّتــه
يعني صلاه وصيام وحج ولا الجهاد =لا ضاقت الروح قلّي ويش أهميّتـه
ياطير ودّ الرساله يمّ طارق زياد=وقلـّه ترانا جميعاً ننتظر جيــّته
أسمه يكفي يزيد العزم والإجتهاد=ولو كان الإسباني يعاني من حساسيّته
أقول كلا ًيطري ما يحب الفؤاد =يعني على شرعهم كلاً وحريّتـه
يا طارق الثوب باد وراعي الثوب باد=وتعليمنا يشتكي من بدائيــّتـه
شعوبنا المسلمه أحرار مير الوكاد=أجسادهم عايشه وأقلوبهم ميّتــه
أحدا ً يخلي عياله من خيار العباد=وأحدا ً يخلي ولده يعاكس بنيّتـه
أديارنا الغرب خلّاها دمار وفساد=وأمامنا يشرح الدين وسماحيّتـه
تعبيرهم بالبنادق والفشق والزناد=وتعبيرنا يذهل العالم بـ حنيّتـه
البيت الأبيض يقابلنا بكفر وعناد=والبيت الأقصى يهدّ وتنجحد ديّتـه
وحنا لبسنا من الذلّـه ثياب الحداد=وعدونا فاض قلبه من كراهيّتـه
وفي حديث الرواه العدل بالأستناد=لا يلدغ الرجل من حجراً ومن حيّته
وياليت راعي الطراد يكبّ كل الطراد=عشان لا يونس الكيّه بعد كيّتـه
لكن بعدك يا طارق مايزيح النكاد=إلا ملك يعرفونه من بداهيّتـه
يسهر وحنّا يطيب إلنا لذيذ الرقاد=فالجوّ طيّارته .. فالأرض دوْريّته
لا قال شوره عليه الله بدون أنتقاد=والمملكه كلبوها من تحت فيّتـه
في قيادته .. والله إنّه عزّنا يوم قاد=الله يكثّر من أمثاله وذريّتــه
لكن يا ربّي تساعدنا عداد ومداد=يا من تجلّت على العالم ألوهيتـّه
يا ربنّا يوم وقت النار ولا البراد =كتابنا لا تحاسبنا بكميّــتـه

المشاركة الأصلية كتبت بواسطة عبدالرحمن الهيلوم (المشاركة 709479) أجسادهم عايشه وأقلوبهم ميّتــه صدقت والله الحقيقه المره مشكووووووووووووووووووور يالغالي

المشاركة الأصلية كتبت بواسطة جراح البرقاوي (المشاركة 709482) صح السااااااااااااااانك

المشاركة الأصلية كتبت بواسطة عبدالله الجـــذع (المشاركة 709507) محمد الحماآدي شاعر متمرس ومبدع قصيده اجد الحروف الابجديه تتقزم لوصف اعجابي بها قصيده ينحني الشعر احتراما وتقديراا وتبجيلا لهااآ صح لسانك مدد بلا عدد ولله درك ننتظر جديدك محبك .,.

المشاركة الأصلية كتبت بواسطة ابو ضيف الله (المشاركة 709517) صح لسانك يا محمد الحمادي وبارك الله فيك على هذه الابيات الرائعة وحنا رحنا بين عدوا خارجي احرق الاخضر واليابس وعدوا داخلي يستهزء ويسخر من كل كلمة نقولها ويحرض شبابنا على التمرد على الدين و الاخلاق ولكن نصبر والعاقبة للمتقين

المشاركة الأصلية كتبت بواسطة السميــــــري (المشاركة 709565) محمد الحمادي .. قصيدة جزله .. ورائعة .. وتتمتع بشارعرية .. عميقة .. كل الشكر لك .. وتم ما قلت لي والتنسيق ..:)

الحمادي


بيض الله وجهك على هالجزلة وصح السانك مليار

..
.

المشاركة الأصلية كتبت بواسطة أبو فيصل الدلبحي (المشاركة 709621) الله الله الله الله صح لسانك يالجزل قصيده اكثر من رائعه لاتحرمنا من جديدك

المشاركة الأصلية كتبت بواسطة /عبد العزيز الجذع/ (المشاركة 709793) الله الله. رائعة يالرائع. صح لسانك ملايين. تحياتي.

المشاركة الأصلية كتبت بواسطة ذيبان (المشاركة 709997) محمـــــــــــد الحمادي جـــــــــــــــــــــــــــــــــــــــــــــــــ ــــــــــــــــــزل جـــــــــــــــــــــــــــــــــــــــــــــــــ ـــــــــزل جــــــــــــــــــــــــــــــــــــــــــــــزل جـــــــــــــــــــــــــــــــــــزل جــــــــــــــــــــــــــزل جــــــــــــــــــزل جـــــــــــزل جـــــزل جزل صح لسانك مدد بلا عدد ننتظر المزيد من هذه الجزاله كل الحب من اخوك

المشاركة الأصلية كتبت بواسطة الحنتوشي ساجر (المشاركة 710065) الحمادي بيض الله وجهك على هالجزلة وصح السانك مليار .. .