الليل ياناصر تفضل على جزل الطواريق = عزالله اني فيك ياصاحبي ناوي وناوي
علقت بشت أبا العلاء المعتبر فوق المعاليق !!!= وأصبحت تمشي بين الاجواد بالبشت الحساوي

إليا نوى سلطان يطلع قمم روس المشاهيق=ماقدمه ألا الذيب يقنب وذيب الضلع عاوي !!
أبالعلا شيخٍ من شيوخنا في حزة الضيق=نرفع علمه ونفتخر .. وأنت في شيخك تراوي !!

ودك تشب النار بين الجوازي والبراريق = وثبيت دون حدودها قوم .. ماترحم وتاوي
يمكن نسمي ضلع أبانات والمقصود فطويق = لكن سلم لي على العقل .. ميزان الدعاوي

سلطـان الجذع






ناصر الجلاه




سلطان الجذع

:)

ألا على الجذعان تشتب وتنوش الزراريق=وأليا غلبنا الامر تلحق على راس العطاوي !!
المشكله ترميبها فالبحر من دون تنسيق=لا عشت ياراسٍ من المرجله فاضي وخاوي !!

كلمتك هذي يلحقك من سبايبها ملاحيق = ولاهي غريبة .. خابرٍ للجهل عندك حراوي
هذي عليك موثقه ياطويل العمر توثيق = لاعشت يارجلٍ عن المعرفه ضايع وغاوي

هذا الولد فالجهل باقي ولكن كيف ب يفيق=في وسط بطنه فقر وألا على ظهره غناوي !!
احسب حسابك للمغاريب قدام المشاريق=وألا العصيمي وادرٍ فالزمن عدٍ رهاوي !!

ناصر الجلاه



سلطان الجذع




ناصر الجلاه







متابع :)

أن قلت وأن ماقلت جاء في بعض ماقلت تبريق = في داخلك بالخير ممطور ,,, والظاهر سناوي
تضحك سنونك لو عيونك من دموعك مغاريق = يمكن جرحتك جرح ماهو مداويه المداوي

من يسمع لصوت المنادي وحلقه يابس الريق=لا يابعير القوم وش فيك بارك ليش ثاوي !!
ياقو باس الجذع لو إنها وسط المعاليق=جمرة قهر تشتب لوقال للي جمرة هواوي !!

الله واكبر ياطيورٍ تجود بالمسابيق = ريش الحمامه والغراب بجناحين النداوي
يمناي طالت عن يماني ريايجيلٍ مطاليق = والا انت دلوٍ جانب العد مقطوع العرواي

يوم الذياب تويق يالجذع أنا ماشفتك تويق=لاشفت ناب الذيب يابا اللعاين لاتصاوي !!
انته تسوق الكيف لكن كيفك مابعد سيق=عز الله إن العود الازرق هذا مخلوط جاوي !!