وين الجذع راع البدع والجزيله = عندي علوم ٍ مالها من بديله
لو ان دربه مع دروب ٍ طويله = ان لم تكن ذيب ً كلتك الذيابه

هات الخبر من مصـّـدر ... ان كانك اللى تـقــّدر = ياليت عمك يصبر ... والليل ساري ساري
جات العلوم جدادي ... والشيخ راع الوادي = والوضع ماهو عادي .. والليل ساري ساري

قمت إلك وانته ماتحمل مقامي = حتى لو انك من رجالٍ حشامي
أظنك مع الجهل توأم سيامي = ان لم تكن ذيب ً كلتك الذيابـه

انا عليّ..أنوّه .. ان الثبيتي توّه = عساه يصفي جوّه ..والليل ساري سـاري
من وين جاتك مدري .. لكن ليلك بدري = برق المخايل حدري والليل ساري ساري

الله اكبر صرت شيخ القبيله = وحطيت زندك في راس الفتيله
حيلتك هاذي مالها غير حيله = ان لم تكن ذيب ً كلتك الذيابه

يسبح مع السـبّاحه ... والحوت زاد جراحه = عساه يلقى الراحه ... والليل ساري ساري
النجم ساطع فوقك ... والسوق ماهو سوقك = يالله تجيك حقوقك ... والليل ساري ساري

ياذيب ياللي ترفع الصوت ياذيب = يمديك تأخذ من زمانك تجاريب
لابّركت للحمل عوج العراقيب = ان لم تكن ذيب ً كلتك الذيابـه

تسبح وعلمك طيب ... فالشعر مثل حبيّب = منك البعيد قرّيب .. والليل ساري ساري
لو تتجه للساحه .. يامكثر المداحه = قالوا طوال شباحه .. واللي ساري ساري

العـّــب مع فلان ٍ واجاري فلاني = ماهمني ترتيبه اول وثاني
انا احمد الله يالجذع مابلاني = ان لم تكون ذيب ً كلتك الذيابه

ارقى على المرقابي ... والقى ثلاث ذيابي = اسدحهم ابمشعابي ... والليل ساري ساري
ماكل هرجه تـُسمع .... وماكل تحفه تلمع = العين تدمع تدمع ... والليل ساري ساري

المشاركة الأصلية كتبت بواسطة سلطان الجـذع (المشاركة 709701) ... الله الله يالذيب الثبيتي :) .. صح لسااااانكـ والى لقاء أأأخر ... ماتوافقنا في هالطاروق في وقت واحد