سلام الله علي اللي حاضرن فالمنتدي موجود=اقوله للرجال اللي تعدي دون واجبها
ابا شاعر من الشعار يلعب والثنا مردود=علي كل الرجال اللي تفاخر في مناسبها

هلا يا مرحبا بك يالعطاوي عد هب النود=وعد اللي على البيدا ويمشي في مناكبها
وصلك الشاعر اللي كان حك العود راس العود= بعزمة نفس راع المعصيه ياخي هذبها

يدوم الك البقا وانته تعرف البيض عكس السود=علي وضحي النقا والناس تتعب في مطالبها
علامك ياصحيبي تخفي اسم العودوابن العود=وتظهر لك بسامي معرفنا وش مذاهبها

ولا يالروقي اسر الليل كب العار والمنقود = وغن من اللحون اللي من البارح تجاذبها
انا من روس برقا يالعطاوي واكعم النمرود = شيابيناً تشرف يالعطاوي من يناسبها

اناماقول غير ونعم فيك ولاعلينا زود=رجالن ياولد مشيب تنومس من يصاحبها
انا ابنشدك عن قصت ولد عمك قليل الفود=يقال انه طمع في حاجتن ماهوب جايبها

تهرج يالعطاوي وانبته والحاضرين اشهود = وبرقا وروق نعم وهرجةً ماني بكاذبها
ولد عمي تحيزم قدم كل قوم بالبارود = ولكن وش نساوي فالعرب كاثر تلاعبها

لك الله ماذخرنا من وري جهد الرجال جهود=ولكن الرجال المخطيه ربي يحاسبها
تري مافيه دربن ياوسيع المعرفه مسدود=وعادات النشاما للعلا تتعب ركايبها