ياسلام الله سلامن ليا من جيت اقول = ردتن مني تنومس لاجيت اقولها
لاهل التقدير والطيب والناس العدول = والعلوم الطيبه طيبن مدلولها

نعم فالعتبان ومطير لاقالت تطول = انشد اهل العرف في عرض الارض وطولها
الجمال تبين يااحمد مع زود الحمول= لاارتكت للحمله اتشيل كل احمولها

أستلم لاهنت

الجبال الها نجومن ليا انصلت تزول =والنجوم انجوم كل الجبال اتزولها
الله يعافيك ياالذيب قول اللي تقول = ماعليه من سوالفك يوم اتقولها

الله مرسي جباله كذالك والسهول=والنجوم الها شياطين تبقا حولها
يعرف الفارس ليا جا على خيله يصول=كل خلق الله تناسبهم ويقفولها

الله اللي ميز الخلق يااحمد بالعقول = تفرق العربان يااحمد بقدر اعقولها
كان تبغا الحق والحق منهاج الرسول= كلمة اهل الحق (وجه الصحيح ايقولها)

مايشين للمجالس سوى هرج الخبول = ولاتشك الا ضعاف البشر وخبولها
الجبل لو تنطحه عنز لايمكن يزول = مايهمه نطح عنزن نزل سعبولها

صح لاقالو عقولن تشابه للطبول =( لااقبلت صاحولها لاادبرت صاحولها)
الخساسه كلبوها بسراق النعول =يوم بذ الخلق دايم بسرق انعولها

ماغزينا بيوت ربي ياراعين العدول = غزو بيت الله والسرق ملي اعدولها
والخيانه تمتلي عندكم منها الحثول = تنتقد للناس والعيب وسط احثولها