مرحبا بالصاحب اللي صحبته فيها وفيها=بعد قلّنا من غيابه عاد قال انّا الوداعي
اكثر الاصحاب تال الوقت والله ماتبيها=يوزع البسمات ويخامسك بالكف الصناعي

البقاء ياللي علومه مع صحيبه لك عليها=لايفكر فالكلام ولايحس ولايراعي
انت الك مده يابو سلطان جالس تحتريها=لاتغاربها على الضلع القصيّر من ذراعي

ليش ما تنطق بكلمة حق قلبك محتويها=تخلف الميعاد وتحب المشاكل والنزاعي
وانت ماتقدر يابو تركي لو انك مهتويها=مار بعض الهرج ماله ياطويل العمر داعي

ماكذبت ولا جهلت وخابرك رجلِ نبيها=فتح عيونك وميز فالثنية والرباعي
معي ماتنفعك مادون الحلوق الا يديها=اطرح شراعك ليا مريت ويرفرف شراعي

ما انته بكاذب تحوصّ والمقاصد كلبيها=كان الليّ شرهة.. على حضرتك احسبك شخص وااعي
ولا انت لاقي لك جرادة فالمواقف تشتويها=كان ما انت بسبع لا ترمي بنفسك للسباعي

يالجناب الدمث يالممدوح يا لعرض النزيها=كان مستعجل على موتتك ماينعاك ناعي
دفك اللي فالهدى والنار تاكل من يجيها=والا انا بالهون اسج الرجل وامر الله مطاعي

دقق علومك وحاول يا ابن عمي تنتقيها=ماني براضي عليك الضحك من خبل ورعاعي
العتيبي شافك تسوي سوايا ما رضيها=مار سرّ الليل والموضوع سره لا يذاعي

المشاركة الأصلية كتبت بواسطة مرجح الميزان (المشاركة 704321) أكثر الأصحاب تال الوقت والله ماتبيها يوزع البسمات ويخامسك بالكف الصناعي لله درك من مبدع صح لسانك وصح لسان ناصر مقدما ,,

المشاركة الأصلية كتبت بواسطة خالد اوصاهب (المشاركة 704387) اعزائي بندر وناصر صحت السنتكم اسجل حضوري واعجابي

لاتبيع الاوله والثانيه لاتشتريها=والله اني ما رجيت رعيةِ من دون راعي
ماجمعتوا يالثنينه لاريال ولاجنيها=ياخبيثين النوايا ياحميدين المساعي

ليش من غير الرسن والسرج دايم تمتطيها=الحقيقة يابو تركي عنك غيرت انطباعي
الهبايب يوم تصفق فالشوامخ كنك ايها=ماتغيرنا علومك ياسريع الاندفاعي