سلام الله سـلام فيـه لاهل المعرفـه عنـوان = اسوقه للرجال تكمل في مواجبها
بعد شفت البحـر فايض من المكنون والمرجان = اخذت الدره الي قدم عينك جيت جالبها

هلا يامرحبا يابو سواري بعد دورك حان=مادام إنّ المعاني بين قاريها وكاتبها
الا والنعم لكن مانصدّق غير بالبرهان=ابه ناس ٍ نصدّقها وابه ناس ٍ نكذبها

يـدوم ابـك البقا يالشاعر الي فاتل الذرعان = رويـدك يا عميـل الخيـر والحره نلاعبها
يجيك الرد وـافي مير لاهل المعرفه ميزان = سمعت القول والي تفهق المعنى نحاسبها

الا ياراعي الحرّه ليا طببتها الميدان=نلاعبها على حدّ الخطر وألا نجنبها
يانقّال السواري كيف تنقلها بلا نيشان=تشرّه فالمواقف وأنت ماتعرف مضاربها

تبا تنخى خوي الجود ولا انته ونيس احصان = ولا يابلشه الناقه ليا اوحت حس حالبها
ليا منك شعلت النار نارك عودت دخان = والى منك شرهت اشره على النفس ومصايبها

أنا وشلون أعلّم من جهل وأقول له غلطان=بعد مادرهمت سمحه تعلّق فوق غاربها
تراك تعيش في عصر إزدهار ومعرفه وأمان=لكن بنت الهلالي شوف وحده غير وإخطبها

ليا مني بنيت البيت اجود قوت السيسان = وانا الي من قديم الوقت شاريها وراكبها
الله يديم الي ذكرته والبلد عـزيز اركـان = وبنت العز يا شلهوب فضله وانت راغبها

تبا تتعب وترخص في زمانك غالي الأثمان=علشان الليال السود تهدي لك تجاربها
ليا منّي طلبت العز هذا طبع للعتبان=رجال ٍ يطلبون العز مابه من يعاتبها

المشاركة الأصلية كتبت بواسطة ابو سواري (المشاركة 694834) ووجهك يا ابــيض يا لفهــري ومرحبـا بك بين اخواانك العتبان