مرحبا بالشاعر فاللقا يحسب دليله=مرحبا به يا جماعه لو بداها بالسلامي
يالحميدي.. يالحميدي.. غيبتك جدا طويله=هات عملك يالحميدي وأختصر بعض الكلامي..!!

رجح الميزان يامرجح نباها دون ميله=والبقا والطيبه من حظنا والقصد سامي
الغياب الي تقوله بس يوم ونص ليله=وان حضرت ارد على الجمه واصدر كل ضامي

لا توصي من يمد الجزل في وقت الجزيله=وأنت لا منك قريت الخط قلبك لا ينامي
أشهد انك فالسوالف ما تجيب الا الثقيله=ولو تطب السوق شفت الجوع في وجه الزلامي

الوصيه ياطويل العمر غايه لاوسيله=وانتبه من تالي الايام دام الضرب حامي
الزلامي مثل ضلع طويق لايمكن تزيله=وان دخلت السوق يكفيني عن العالم طعامي

ما يهاب المسلم اللي مسلكه درب الفضيله=يوم بعض الخلق عايش لا صلاة ولا صيامي
والبعير شعيل لا منه برك حمله يشيله=وان رغا قيده يقيده,, وان هدر جبت الخطامي..!!

من يكب الدين كبه عزتيله عزتيله= والبيوت العامره ماتنتقارن بالخيامي
الله انه لايفشلنا بعد شفنا الفشيله= واحدٍ جاب السوالف من حلال ومن حرامي

ابتدينا وانتهينا .. واستمع ويش الحصيله=الذخيره في حزامك ..والذخيره في حزامي..!1
كل رجل حسب عرفه فالزمن يفهم قبيله=والكرامه ياطويل العمر من حظ الكرامي