ياليتني فالبلد حاكم ومسؤل=واتفقد الناس واحوال الرعيه
المشكله مزمنه تبحث عن احلول=يالشيخ سلطان وش حل القضيه

المشاركة الأصلية كتبت بواسطة مرزوق حمدان العتيبي (المشاركة 688628) ياليتني فالبلـد حاكـم ومسـؤل واتفقد الناس واحـوال الرعيـه .. عز الله انك حاكم قوافي ... ومسئول عن الابداع .. يابو فهد.. صح لسانك .. وننتظر الاسطوره ...

المشاركة الأصلية كتبت بواسطة نايف الحميدي (المشاركة 688629) ياسلام ياسلام صح لسانك يالنشمي ننتظر سلطان ليكتمل الابداع متابع

المشاركة الأصلية كتبت بواسطة /عبد العزيز الجذع/ (المشاركة 688642) بداية قوية.. صح لسانك.. وفي انتظار سلطان...

لو جيت حاكم بلد ,,لحول لحول = نكبت الاجواد نكبة عالمية
يحلها الفعل ,, ماتنحل بالقول = وانا ترى ذمتي منها بريه

نحن / فهد بن صقر الغنامي العطاوي نعلن لعموم الشعب وقوفنا ومساندتنا ودعمنا اللا محدود لشاعر الهيلا سلطان الجذع .:)



كما لا يفوتنا ان نحيي الاخ الشاعر / النشمي ونقوله لاتسرع ترى قدامك مطب:D

لن طال عمرك تشوف وجايك الدول=ممكن يالاسطوره اتصير الضحيه
الشكر للي يجيب الحل موُصوُل= والحق انا ارضاه الي والا عليه

تقول وأقول لك ماهو بمعقول = لكن بالهون ياراع المطيه
قوم انقض الحبل عان الحبل مفتول = ان كان ياصاحبي عندك حميه

فكري على اهل الوطن بالحيل مشغول= وروحي فداهم وماتملك يديه
العاقل يشير والمهبول مهبول= والا يعرف الصواب من الخطيه

<<<يشجع سلطان والنشمي



يصفق لشعار الهيلااااااا ( سلطان والنشمي )



<<<< منبطح على بطنه ويهز راسه على اللحن


<<< يسمع ( كلمات المظلوم (هجرس الغنامي) ==== اداء كمال حمدي بدون مسيقه ) بدون مسيقه هاه

قصتي بالليل تكتبها النجوم = فوق صفخات السما باشراقها
بحرف الاحزان وصدور الهموم = خبت الواقع من اقصا عماقها
بس محدن عارفن للي تروم = نجمتن بالليل ربي ساقها
هي ونيس المغرم اللي ماينوم =وكل عشاق السهر عشاقها
وهني اللي من العقل محروم = ماعرف نار الجفا واحراقها
مستريح البال ماحد له يلوم = عنده الدنيا سوى وافراقها

سرى ليل عتيبه سرى سرى :D

لاترتجي من سحاب الصيف هملول = عن السعد ماابعد العين الشقيه
اللي يقول المصايب وقت وتزول = ماشاف حال أهل قروى والحويه

مبغا القضيه تسجل ضد مجهول= لا تقبل الذل وتضيع الهويه
اهل عفيفه يبون البيه والزول= وابن الوطن لا هذيك ولا هذيه

المشاركة الأصلية كتبت بواسطة سعود العصيمي (المشاركة 688731) الله الله النشمي والجذع صحت السنتكم يامبدعين

المشاركة الأصلية كتبت بواسطة مرجح الميزان (المشاركة 688738) ابدااااااااااااااااااع صح لسانك يالنشمي وصح لسانك يالجذع لنا عوده

المشاركة الأصلية كتبت بواسطة مقعد الدغيلبي (المشاركة 688762) الله الله هنا الكلاااااام والابدااااااااااع ؛؛ النشمي صح والله اللسانك ؛؛ الاسطوووووووره ؛؛ مبدع دايم تحياتي لكم

الباب ياصاحبي من وقت مقفول = ماحاصلٍ طيب من راع الرديه
اللي تقوله من الايام مذهول = ماعاد يلقى كثيـــر ولا بليــه