|
خــــصٍ ليـــا جتــــني من أيـــــا الأقارب
خــــصٍ ليـــا جتــــني من أيـــــا الأقارب
أنا أحمد الله نظـــرتي دايــــم بعيد...........قــدرٍ لشمطــــــان اللحى والشــوارب أسكت ولــو شفــت الخطايـا تراديد..........خـــص ليــــا جتـــني من أيا الأقــارب مانـــي حضيبـــيٍ يعقـــدّك تعقــيد..........يرضي البعيــــــد وللموالي محـــــارب شجيــع هــرج وفالمواقيــف رعديد.........ومطبـــــق قول الأقارب عقــــــــــارب نــاسٍ تناســوا سلمـــهم والتـــقاليد..........وعاشوا بوقـــتٍ مخــــتلف ومتـــقارب والنــذل ما ينــقص ولا أظـــنه يزيد...........مال الثقايــــــل غيـــــر حم الغـــوارب وغــيـر الجمــايل ما نــدّور مقاصيد...........ولا لي وراء دمـــــح الخطايا مــــآرب أخذتــــها تعلــيم ما أخذتــها جيــد..........أبــوي وردني عــــــذي المشـــــارب ولا نيب حولـه لو قدرت أقطع البيد...........لاكن علـــى ما قيــــــــل سدد وقارب وإليا اجتــهدنا ما لحـــقنا منـــاقيد..........لــو إن ينـــقصــــنا دروس وتجــــارب تصعب علي دروب عنــتر وأبو زيد..........وأنا أعتـــــرف وأقول ماهــوب ذارب الطيــب وهبـه فالرجـــال الصناديد..........ويعيــش من هو للصعــايــــب يحـــارب إهداء/ الحر الأشقر |
السلام عليك ورحمة الله وبركاته
شجيع الهرج و فالمواقيف رعديد ومطبق قوول الاقارب عقااااارب
طح لسانك على القصيدة وخصوصا هالبيت وان اشهد انك حر يا الاشقر تحياتي ولد عمك الثبيتي |
لا هنت أخوي إبن الثبيتي ولاعليك زود
وأشكرك على مرورك وبيض الله وجهك. أخوك/ الحر الأشقر |
الى الحر الاشقر مع التحيه
قصيده رااااااااائعه وحكيمه في نفس الوقت اشكرك عشانك كتبتها لنا تحياتي لك |
الله عليك يالحر الاشقر
منظومه رائعه وجميله في نفس الوقت وصح لسانك ولا تبخل علينا من مثل هالقصيده ولك خالص تحياتي اخوك الروامي |
صح لسانك ياحر يااشقر
|
كفوووووووو
بيض الله وجهك... يحق لك الفخر والإعتزاز... فمنهم مثلك هم الفخر بحد ذاته... يحق لك أن تثق في نفسك... وصح لسانك على هذه الدرة المصونة ... الشامخة بشموخ من قالها... لك ودي رغم تواضع ردي ... تحياااااااتي. |
لا هنت ياذيبان
أخوي ذيبان اشكر لك مرورك وصح بدنك
وأنا كلي لكم وكلي قصيدي لكم. والله لا يهينك. |
أخوي الروامي أشكر لك مرورك.
ولا عليك زود وانا ما عندي الا حلالكم وأنا وشعري لكم وللمنتدى ومره أخرى لك مني ألف شكر. |
أخوي نادرالامير صح بدنك ولاهنت
|
مشرفنا الغالي وصل العطياني
أشكرك على مرورك وهذا شرف، واللي يرضيك ويرضي جميع الإخوان هو المبارك. ولاعندي الا حلالكم. |
صح لسانك يالحر الأشقر
قصيدة جزلة من رأس جزل |
لا هنت أخوي فيلسوف الصحراء ولاعليك زود ومرورك شرف لي وإعجابك وسام على صدري.
ولك مني ألف تحية وشكر. أخوك الحر الأشقر.......... |
الطيــب وهبـه فالرجـــال الصناديد..........ويعيــش من هو للصعــايــــب يحـــارب
صح لسانك يالحر الاشقر وقصيده رائعة كروعة شاعرها والا الامام دائما,,, وتقبل تحياتي///// |
صح لسانك ياالحر الأشقر
قصيدة رائعه والى الامام ان شاء اللة نتظر جديدك ،، تحياتي ابو وعيل الرويس |
الحر الاشقر
صح لسانك ابداع ابداع ابداع تحياتي.. |
أخوي عريب الساس مرورك أسعدني كثيراً ولا عليك زود ولا هنت يالغالي
أخوي ابو وعيل الله لا يهينك ومرورك شرف لي كبير . أخوي الغالي طلال الثعلي لاهنت ولا عليك زود وعسانا دايم عند حسن ظن الجميع. أخوكم الحر الأشقر |
| الساعة الآن »02:07 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd