ياسلام الله سلام"ن" مثل نفح العبير=في حلال غيمة الضيف منها تنجلي
الحموله يا ولد روق في ظهر البعير=وكان عيا..!! لا تقول البعير معقلي

مرحبا ياصاحبي ياعسى حالك بخير = ليت والله كنت عندي وذكي لك طلي
الحموله فالظهر والقدم فيها يسير = والجمل ياصاحبي للحموله ينقلي

البقا بك ..والليالي رحاة تستدير=وكرمتك في منزلك ما تجي في منزلي..1!
من يريد المرجله يسلك الدرب العسير=والدروب الهينه للباس المخملي

المحبه والمعزه لها الشي الكثير = والكريم الي قدوره على النار تغلي
الردي ياصاحبي لو لبس بشت الامير = ماتعٌليه المراجل ولا هو معتلي

الله اللي يعلم الغيب وأحوال الضمير=اترك الهرج المثالي.. تسمع ما يلي
في ظلال الشجره اللي على الحد الخطير=العرب تاكل بعضها لعين الأحولي

الحقيقه كل عاقل يشير ويستشير = لو كلام الناس ماهو كتاب ٍ منزلي
العرب هذا السنه روٌحت سودة عسير = لجل عينن من رمدٌها تذٌر المكحلي

لا تعلمني ..وعلم بها العقل الغرير = صاحبك يا صاحبي بالخبر ما يجهلي
يا زمان العافيه دوم للوقت الأخير=المقاطي.. صار مع صاحب له مبتلي..!!

انخفض سعر الذهب وارتفع سعر الشعير = ماش غيرك سيف ياسيف ابو طالب علي
المقاطي صاحبه مالقى نفس المصير = علٌها خيره وكلن بجهده يعملي