مرحبا من هجوس(ن)صادقه ياشباب=في محل(ن)جميع الخلق ماتجهله
الزمن كم ودي والزمن كم جاب=والليالي تراها مقفيه مقبله

البقا يامحمد عد وبل السحاب=عندناس بكرمها تضرب الامثله
عند ربك تصاريف الزمن والحساب=وانت خلك فطين وجاوب الأسئله

هات السوالف وتلقي عندي احسن جواب=والرجل ياصاحبي مايجهل المرجله
نبغا نسولف عن الديره وديك الهظاب=جاها مطر ياولد والابعد ممحله

السوالف كثيره ياكريم الجناب=مير بيتك لحقته شمس قم ظلله
ابشر ان السما غيم ولبسه ضباب=وانت خلك طبيعي واترك البهلله

لاتزكي حلالك قبل يكمل نصاب=وانت رجلا كثير الشك مايدخله
عندربي ثواب وعند ربي عقاب=مار ياويل من درب السنع يجهله

المصيبه حلالك راح كله ذهاب=وانت محتار كيف توجه البوصله
كان من قسوة الايام قلبك مصاب=دور الوادي المسيول ثم قبله

عقب ما روحت وشلون جبت الزهاب=مار هدي هديه جاتلك مرسله
لو حجزت الدهاب ولاحجزت الاياب=فالرجوع الحقيقه يصدفك مشكله

والله انا كرام نفوس نعتق رقاب=ونكرم الضيف والمسكين والارمله
والذلول أوجهت شرق وعليها الزهاب=وكان وسمك عليها ديسها شمله

ودي اعطيك منها لو شويه شراب=ومن لزم ديسها لابده يكمله
انت ياهايل المرزوق توك شباب=روح دور لشايب قبله واسئله

قلبك اسود ونسخه من جناح الغراب=هاك فيري وبرت بلاص رح غسله
قطعوها وقالو صلحوها كباب=ثم طبخها واكلها محمد محثله