رد الشاعرالكبيرغلاب بن ود بن مروي الثبيتي العتيبي على قصيدة الخس

يابوخلـف حناعوانـي وجـيـران=وسلومنـا عيـب انتجاوزحمـاهـا
نجهل ليا حان الجهل والغـا شـان=ونرفا خمـال المعرفـه ونحماهـا
يوم انها بالرمح والسيف شامـان=وعبرود ضيقـة الحناجـر لغاهـا
حريبنـا مايهتنـي ويـن ماكـان=وصحيبناعنـه الجمـوع انحداهـا
واليوم صرنا كلنا ربـع واخـوان=فـي ظـل حكـام يـذري ذراهـا
اخوان نـوره موفيـة كـل ديـان=ال السعـود مزبنـة مـن نصاهـا
البارح انته ليت مانتـه بسكـران=كلمتك هز الكـون منكـر صداهـا
عبر القناه اللي من اطراف دسمان=بثت على الشاشات موجـز نباهـا
بسم الكويت العاصمه واسم خيطان=ترسل رسايلهاعلـى مـن بغاهـا
ناقشت لـك قضيـة مالهـا شـان=ولالـك صـلاح يامحمـد وراهـا
قضيـة ماتـت علـى مرالأزمـان=وارواح اهلها عرشت في سماهـا
يامابعدها كـان مـن كاينـن كـان=في دولة الصبـاح هـي وحدداهـا
سواد وجه ٍ باقـي ٍ مـرالا زمـان=علـى وجيـه ٍ سـود الله الحاهـا
عشزين عام وعشرمن دون نقصان=الا سنه وش فيـك تبحـث خفاهـا
اخطيت يامحمـد خطـا كبربـرزان=ورميـت رميـة رامـي ماقداهـا
وانته غني عن ضحكة افلان وفلان=ياشـاعـر خطيـتـه مارفـاهـا
مدري جهل ولا معه مس شيطـان=ولا ان عـادات القبايـل نسـاهـا
ولا ان له مع غزو الأحزاب جـدان=و فصيلتن تذهـب ويولـد حلاهـا
والا ان له في عالم الكون عـدوان=وبالهمز واللمـز ايتطـاول علاهـا
والمشكله شاعرمقدر ولـه شـان=وقولة نعم وقت اللـزوم ايحماهـا
امحشمن عن كـل زلـه وبهتـان=عندالرجال اللـي يعرفـون طاهـا
ومشيمن مابيـن شيـب وشبـان=لكـن ثـارة بندقـه فـي خباهـا
ون كان قصده من قضية جهيمـان=هزيبـة العتبـان هـي وحلفـاهـا
ماهيب عيب العيب يالخس من هان=نفسه وخلا بلـس يفشـح علاهـا
والعيب في قول على غير برهـان=وبوق القصيره من عيال اقصراهـا
والعيب في قولة حرامـي وجابـان=وخيانة الميثاق بيـن اعمـلا هـا
وتجاهل المنكر اليا بان من شـان=لقمة حـرام تحـرق اللـي كلاهـا
اللي لها في محكم الهـدي عنـوان=ودلايل يومـن بهـا مـن قراهـا
عن مال قارون وعن اطماع هامان=والعنكبـوت وبيتهـا فـي ثراهـا
وقوم ضحايا عاصفة موج طوفـان=عصـت نبـي الله ولا الله هداهـا
ويابو خلف ماعودن الا ابه دخـان=ومن فتش عيوب الخلايـق لقاهـا
وحنا نصد عن الخطا عفو واحسان=وليـا عتـت نقـول تبـت يداهـا
وليابتلينـا والبـلا موعـده حـان=معطي كراب ايـداه ياخـذ ملاهـا

الشاعرالكبيرغلاب بن ود بن مروي الثبيتي العتيبي

رد يكفي

بيض الله وجهك يالثبيتي


تحياتي

اشكر جميع الذين مرو على هالمتصفح

والله لا يـــــــــــــهينكم