قصيدة السماري فالعضياني
 

هذه القصيدة قالها الشاعر محمد بن بنيوس السماري العتيبي بعد أن شد جاره ندى بن غازي العضياني، وندى بن غازي رجل كريم خلوق ومن وجهاء ربعه وقبيلته ومن عراف ربعه وملفى وبيته دايم ملم للناس وإنتقل من حي النسيم وسكن بعده ناس لا ينتمون إلى قبيلة و لم يطب للشاعر وضعهم ولم تكن جيرتهم كجيرة ندى بن غازي وقال هذه الابيات.

ول يابيــتٍ غــدا مثـــل الخرابه,,,,,صـــار كنـــــه من بيـوت الجاهلية

كان يسكن فيه شيخٍ من عتابه،،،،وبعد شـــد الشيــــخ مالـــه قابلية

شد أبو مناع ومنــه وصك بابه،،،،،وانطــــفــت نارٍ منــول فيـــه حيه

راح ريح العود الأزرق من جنابه،،،،وانقطع منــه الشحـــم والشــاذليه

اسكنوا به شلةٍ مثـــــل العصابه،،،،،،بعضهم ما ضنتــي عنــده هويه

نفقد الطــــيب ويزعجـــنا غيابه،،،،،،،والردي مــا ينفـــقد راع الردية

يا نـدا لك عندنا قــدر ومهاـــبه،،،،،،نشتري جيــرتك وعلومــك طرية

أنت طيبك ما أحدٍ يحصي حسابه،،، وربعك العضيان أهل طيب وحمية

للخوي والجار في صدرك رحابه،،، وإلك يمـــنىً في كرمـــها حاتميه

لو كتبنا الشعر واتعبنا الكتـابه،،،، ماحصــرنا من فعــولك لـــو شويه

الثنــا لك عـــد وبـــال السحــابه،،،،،،،والســلام ورحمــة الله والتحية

صح لسانه
مشكور أخوي الحر الأشقر
وتسلم يمينك على القصيدة

و تقبلوا تحياتي

ومن قال سالم يا أخوي الراسي وأشكرك على مرورك
والله لا يهينك.

الحر الاشقر

والله ونعم بالسماري والعظياني

وشكرا لك


تحياتي..

سلمت يالحر الأشقر
 

يستاهل ولاهيب غريبه فعل الطيب على العضيان

اي والله العضيان وابليس معلون حماية العطفه نهار المواجه

قالها شاعر المحاوه المعروف سلطان الهاجري ياليتك توردها

وايضاً تجيب قصيدة جمل المرشدي في العضيان

وبيض الله وجهك

لاهنت ياطلال وأشكرك على مرورك.

أخوي سعوط المجانين
أشكرك على مرورك والله لا يهينك وبالنسبة لقصيدة الهاجري موجوده في قسم الشعر الشعبي، أما قصيدة الشاعر جمل المرشدي فأبشربها قريباً إنشاء الله.

صــــــح لساااااااان الشاااااعرررررر

وتسلم يمينك يالحررررر الاشقر على الاختار الموفق

دائماااااااا وابدااااااا

وهذارابط قصيدة سفير الشعر : سلطان الهاجري

في سعد بن غازي العضياني

http://www.otaibah.net/m/showthread....&threadid=8059

وانا اعتقد انهم اخوان او تشابه اسماء

وياليت تفيدنا يالحر الاشقر

الحر الاشقر
 

تسلم مليون والله يعطيك العافيه
وحسن الجوار ياخي العزيز وصى عليه الدين والرسول الكريم
قبل ان توصي به العادات والتقاليد
وتقبل تحياتي

الحر
 

تسلم مليون ووالله ونعم القصيده في مستحقها

تسلم وصح لساااااان وصح لسانه


ولاهنت وبيض الله وجهك ....

صح لسااااااانك ولسااااااانه...
وبيض الله وجهك على نقلها لنا...












تحيااااااااتي.

أخوي راعي المغاتير أولا مرحبابك لأن لك فتره فاقدينك يالغالي وثانياً أشكر لك مرورك وثالثاً الأثنين أخوان ندى بن غازي وسعد بن غازي وكلاهما كفو للمدح والأثنين زحول من زحول الرجال ويستاهلون المدح.
وأشكرك مره أخرى على تنزيلك لرابط قصيدة الهاجري

أخوي متعب العضياني أشكر لك مرورك ولاهنت

ووش رايك ابى أهدي عليك إسم وتستاهله ( شعلة المنتدى) لأنك بكل صراحة شعلة جميع الأقسام.

أخوي ابن داعج أشكرك على مرورك ولاهنت

أخوي ابو وعيل أشكر لك مرورك ولا هنت

أخوي وصل العطياني؟؟؟ أشكرك يامراقبنا الغالي واللي يجوز لك ما أبرك منه

الحر الاشقر
 

صراحه انك تستاهل الاحترام والتقدير على هذه المشاركه الطيبه
واكيد انك اطيب منها
لك تحياتى

الحر الاشقر يعطيك العافيه
وبيض الله وجهك وصح السانك والسان الشاعر