ياباشة الغيد 00يامياس 00ياقبله
 

[poet font="Simplified Arabic,4,black,normal,normal" bkcolor="transparent" bkimage="backgrounds/14.gif" border="none,4,gray" type=0 line=200% align=center use=ex length=0 char="" num="0,black" filter=""]

يالله بنوٍ غياث البيد من وبله = يحيي هشيم الدهر ثعله وهملوله

لازلزل القاع رعاده من القبله = واضفى علىنجد شيلانه ومجدوله

يحيي فياضٍ من اللاهب ترقب له = ويزوف منه النبات وترجع محوله

شهرين لين الفياض تزاهر الربله = في سهلةٍ من غشين الوبل مغسوله

مدٍ من المعتلي مااحدٍ سمع قبله = ولولاه تبع البكار العفر وش هوله

تطعم طعم نبتة البسباس والحبله = في در خلفٍ غذاها الريم وفصوله

ينصى ربيعه ويشقى له ويتعب له = اللي يبا شوفة النوار وسهوله

يلقى سهاف العشاير باول العبله = أرض عذى من قديم الوقت مدهوله

أرضٍ بقلبي غلاها عاقدٍ حبله = وفي مهجتي غيرها ماهي بمقبوله

وكلن من الناس له شي يحبب له = وغصن المحبه علاها مال بحموله

واللي دعا القلب واومى له وسبب له= في حب دارٍ علاها النفس مجبوله

الجادل اللي عيون الحر لاارقب له = في مرقبٍ عسر فعل الطيب مفعوله

لاشاف جول الحباري قام يقرب له = ويلاعب الريش لأجل يعيش من جوله

تذكرني بلدة المجمول واطرب له = واندب بحظي على عنقه ومجدوله

الجادل اللي وصوف الملح تنسب له = اللي ملك خافقي واستر بنزوله

اللي سكن مهجتي والفكر اخذ شبله = واصبح لقلب الشقاء حاكم وماسوله

اللي تسلطن على القلب وتنصب له = وافرح على الحال شماته وعاذوله

ان جيت ابا حروته لاجل اتقرب له = الموت دونه لمع لي حد مصقوله

يافزة اللي يحوز الكاس ل00اسطبله = في ملك شيخٍ 00شراه لكسبة الجوله

وراك تاخذ ذنوب القلب وتهبله = وتشب نار الغضى وتحط من حوله

ياباشة الغيد00 يامياس00ياقبله = يفداك قلب شراك وطاح من طوله

لوكان وفقي قليل 00 وضايقه سبله = ارجي من الله سماح الدرب واطوله

واضم كفٍ زهاه النقش وادبله = واقول يامعوض الصابر بمجموله
[/poet]

صح لسانك
 

رائـــــــــــــــــــــــــــع ياسمــــــــــــــران على هالقصيد الحلو

مبدع يابو دانه .

الأخ الغالي طلال الثعلي الله يمسيك بالخير


اشكرك جزيل الشكر على مرورك المشرف والله لايهينك

اخوك / سمران القثامي

الأخ الغالي وصل العطياني الله يسلمك ياعصابة راسي والكلام اللي تقوله

أعتز به والله لايهينك ويقدرنا على قول الكلام الزين وانا أخوك


أخوك سمران القثامي

سمران القثامي


صح لسانك مليون على الرائعه والجزله


ونحن في انتظار جديدك يا سمران القثامي


ولك خالص التحيات من الروامي

صـــح اله لســـانك اخي سمــران قصيــده جززله


الجادل اللي عيون الحر لاارقب لـه في مرقبٍ عسر فعل الطيب مفعولـه


صح الله لسااانك


مع تحيااتي لك جرااح بن ضيدان العجمي

ســــــمران قصيدة راااااااائعه


صح لسانك ولاهنت



ونتظر جديدك


تحيااااااااتي
ابو وعيل الرويس

الأخ الغالي أبو عابد الله يعطيك العافية على الكلام والتعليق الطيب ولا

يستغرب من راعيه 000000000الف شكر يابو عابد


أخوك / سمران القثامي

صح لسانك سمران
وقصيده جدا جدا جدا رائعه

ان جيت ابا حروته لاجل اتقرب iiلـه الموت دونه لمع لي حـد iiمصقولـه

اخوي سمران الله يعطيك العافيه وصح لسانك قصيده في قنة الجزاله
وتقبل تحياتي

الأخ الغالي / الروامي الله يمسيك بالخير مشكور اخوي على الإطراء والكلام

الرائع ومرورك شرف


أخوك / سمران القثامي

سلمت يابن العم
 

اخي سمران من اروع ماسمعت ارجو ان لاتبخل علينا من روائعك
وصح لسانك ولي عليك عتب بسيط جدا وهو عدم مرورك على ديوان الشاعر ثواب بن طنف الجعيد في المنتدى قسم شعراء قبيلة عتيبه والغرض هو فقط لابداء رايك الذي اعتز به.
تحياتي لك
متعب ثواب الجعيد

صح لسانك


كلام ثمين ياسمران

اخوي سعود الله لايهينك على المرور والكلام الزين وكل عام وانت بالف خير

اخوك سمران القثامي