ياسلام الله على الهيلا وانا شاعر قبيلة =والحقيقة بينه والنور في مبداه بادي
الجذع ماعاد ندري ياعتيبة عن حصيلة=نوب من فوق الردوف و نوب من فوق الشدادي

البقا بك ,,وانت تملك علم ،، ماتملك دليله =ماش في قحطان شيخٍ معتبر غير بن هادي
الجذع راع الكثير اللي يكفيكم قليله =بالغ المقصود بالمجهود ,,,والمركز قيادي

الوعد قدام والماء ماتغطيه النثيله =كل حاجة تا تبين كان أشاء ربي وارادي
شد حيلك ياطويل العمر والطرقة طويله =لو تقول الوضع عادي خابره ماهو بعادي

بارك الله فالغصون اللي على راسك ظليله =وانت مااحدٍ سمع صوتك لاتصيح ولاتنادي
ماني بضيف البخيل اللي بهاره جنزبيله =جاهل مافاد مع روس الرجال ولا استفادي

احمدالله عزني ربي عن اليمنى البخيله=يوم بعض الناس حصل فالزمن سرب الجرادي
لو سقيتك من دلالي قلت طعمه حنظليله=والمصيبه ماتميز فالبياض امن السؤادي

لو عليها مزهب الركبي ,, تبي تعجز تشيله = عندكم يأأهل عسيلة ..قيدوها بالقيادي
انت لو الله يفكك من سوالفك الهزيله =قلت مالك لا حلي ولا مثيلٍ فالبلادي

عزتي للي سواتك ياولد ياعزتيله=ترضعه امه ماكن غير طفلن فالمهادي
علم اللي شب ناره ياعميلي في شليله=علمه ينجي بروحه لاتحوفه الهنادي

المشاركة الأصلية كتبت بواسطة سلطان الجـذع (المشاركة 674727) الله الله ياياشاعر قبيلة :) البقا بك ,,وانت تملك علم ،، ماتملك دليله =ماش في قحطان شيخٍ معتبر غير بن هادي الجذع راع الكثير اللي يكفيكم قليله =بالغ المقصود بالمجهود ,,,والمركز قيادي