سلام الله سلام الشاعر اللي مايغط النور = ورجلن مايعد النور جعله ينهدم بيته
اشوفك ياولد حمدان واقف ماعليك اقصور = وانا لاشفت شاعر يحكم الطاروق ناديته

هلا يامرحبا ترحيبة ٍ يالشاعر المخبور = تحيه صادقه من بدت الشعار خصيته
يا بو خالد مقام الشعر سامي والليال اتدور = ولكن من بعد صياف مدري ويش سميته

اعرفك مسلم عارف وتسبح لك ثمان بحور = وانا حجيت بيت الله وفرض اللـــه صليته
اجامل وانت تدري والحياه ادروس يادكتور = تركد يانجم لاتفضح المعنى لبو صيته

ليا صليت فرض الله وطفت ابيته المعمور = يبا ربي يحقق لك جميع اللي تمنيته
تطمن ماني بكاشف غطا معناكم المستور = بحاول معك بالمطلوب واستسمحك لخطيته

انا مليت ارد الهرج واقول الورود صدور= ووادي عفرته من عام ماتسكت عفاريته
والاياخرج ياخرج البعير المرهى المصرور = تماكنت البعير بعدوتك ياخرج واعديته

يقولون العور كل الاوادم في عيونه عور = وانا اقول النفوس العايشه ماهي كما الميته
يبا ربي يعوضك برضا يالخاطر المكسور = ترى معجب على موضوعك الحساس وصيته

علامك ماتسّمع للنصيحه من رجال الشور = ليا مني نصحتك قلت هذا الراي خاويته
اكلت اللقمه اللي من سببها جرحت الحنجور = وانا ياما نصحتك مير كن العلم ماوحيته

لواني ما استمع للشور ماشفت الخبر منشور = عجيبه كيف يامتعب بهالسرعه تناسيته
انا ماكل حلال ايتام .. واطمع في بنات الحور = وفنجال المعاند ياابيض الشارب تقهويته

تهب النود في وسط المحيط ويغرق البابور = بحر ...يافرا ..النحر ياللي يهدد في دناميته
تجامل ياولد حمدان وانته في محيط السور =ولالك غير من حبك وصفقلك وحبيته