في منتدى الهيلا هلابك عد ما هبت شمال=اقولها عني وعن ربع يحسب حسابها
من بعد جيت اثبت وجودك مع مداغيش العيال=افتل لها وانقض لها والنار من شبابها

دام البقاء بك عد ماتمطر هماليل الخيال=قال المثل يستاهل الجزله صبي (ن) جابها
محد يعرف شعيل مار شعيل شيال الثقال=اليا بدا اللازم نشب النار من مشهابها

تقولها يا مبارك الحمراني والوضع استحال=نخصها والا نخليها تطق ابوابها
يا شعيل لاشلت الحمل حذرى من الجرف الهيال=يمك جمال القوم في الممشى تعوج ارقابها

نقولها ونطولها في كل وقت وكل حال=وليا زعلنا نكحل عيون العداء واهدابها
يالمرشدي نرسي كم ترسي صليبات الجبال=تهابنا شهب السباع اللي تحد انيابها

ياما وياما من هروجٍ كنها نسج الخيال=تقولها ناسٍ عليها ثياب غير ثيابها
يابن الوليد اهزم عدو الله واذن يابلال=ومسيلمه خاب وخسر ما ينتصر كذابها