يا سلام الله على منتدى صفوة نمور=كل نمرٍ في عيونه كما قدح الشرار
والله اني يا عتيبه بكم دايم فخور=يا رجالٍ تشفي القلب لا طال النهار

مرحبا عن راعي المنتدى وللي حضور= كلنا في ماقف العز ورجالاً حرار
يا العتيبي كان حاديك بعضات الأمور= نادني وجيك الشيل الحويه فالقطار

البقا عساك دايم بعيد اعن الشرور=انت وهل المنتدى من يمين ومن يسار
ما علي اخلاف فالوقت ماني بمعسور=وانتم اهل الاوله يا طويلين العمار

ساعة اوحيت الندا كاد يختل الشعور= طارت البسام وعقالها فالجو طار
العتيبي لا نخيتوه بارود يثور=ازهمه ويجيك فازع على جنه ونار

خابر العتبان مافي بني عمي قصور=مايهدون المباني يعزُون الجدار
من كثر مافي ضميري معزه لصقور=قمت اغني با الهجيني على كل البحار

قلتها يا صاحبي بعد عبيت الصدور= كاد صدري ينفجر من يرد الأنفجار؟
احسب ان النار تشتب والدنيا تفور= ماذكرت الا الفشق والبلاجيك القصار

ههههههههههههههههههههه

فالتسرع ظلم ولا التأني فيه نور=كيف في لحظه تبا تتخذ هاذا القرار
انت ما شفت العرب كيف طبوا فالقبور=عند حاجاتن ضعيفه وحاجاتن صغار

ما يهم الموت يا صاحب القلب الغيور= الوفاه التصير لو وسط صالات القمار
تعرف انا من عرب لا نلف ولا ندور= واحمد الله يوم دعواك خاراً فوق خار

الاجر للي على شدة الدنيا صبور=والاجر للي على الدين والمله يغار
يا طويل العمر لا وصلت الزم النحور=ما على المسلم ملامه ولاعنها خيار