مرحبا في مرحبا والحر يفهم بالأشاره= لو يمين الشاعر ابن عون تلزم في سبوقه
الذهب والماس مابعناه في سوق الخساره= مار انا شوف العرب مدت ايديها دون سوقه

البقاء والدرب مانجهل يمينه من يساره=والبعير ليا عصانا بالعصى نقدر نسوقه
الذهب مايجلبه في السوق غير اهل التجاره=والمحرّج لو لقاله شي في حثله يحوقه

فيك خير وفيك شر ومشتري بشت الأماره=ولاماره تتعب الرجال وتنشف عروقه
مار لاتقعد تمس الثوب وتصلح زراره=خاوني نقلط على الكرمه وذوق اللي نذوقه

بشتنا ماهو سلف والا عطيه واستعاره=يفتخر باللي شراه وصار بين الناس فوقه
خوت الاجواد للاجواد نحسبها نماره=والخوي ليا عطانا حقنا ياخذ حقوقه

يوم جاك الزاير اللي ماحسيته بالزياره= ليش ماقلت الجبل مسكون والأرض امحروقه
ودنا بكره على روس اليهود نصب غاره=لايخيفك جيشهم لو جاك وروس امحلوقه

المشاركة الأصلية كتبت بواسطة الصاطي,, (المشاركة 671470) يوم جاك الزاير اللي ماحسيته بزياره= ليش ماقلت الجبل مسكون والأرض امحروقه

بالزياره مانخص الا كريم شب ناره=وان غزينا نخلي إمراح العرب ضينه ونوقه
واليهود ودارهم والله لاخليها خباره=وان طلع داب الخباره خطت بالمخيط شدوقه

راحت الدنيا باهلها ياخساره ياخساره= قالها شاعر عتيبي يطبق ذوقي وذوقه
اترك الصندوق وركب مع خويك فالغماره= يوم عارض نوء صيفٍ تجذب الساري بروقه

جعلها مرواح مطلق يوم راح وكب داره=مابقي غار إعلمه في كف رجلٍ مايبوقه
الونيت اللي معك من دون رخصه واستماره=وان لزمك العسكري كلبشك جعل الله يعوقه

انت من سرعتك يا سواق جاوزت الأشاره=والبلا من قل شوف العين والرجل السبوقه
ما تبا تعرف نبيك لين يسقيك ابغضاره= فالنهار اللي ماتدري عن غروبه من شروقه

انته اللي معترض لو صدّر الجندي قراره=وان صدمتك سوقك المطلوب والله مانسوقه
لاتقوله لين تسمع صوتنا فوق المناره=خابرك صوت الفلاح اليا ارتفع عينك دروقه

وش مع الجندي قرار وش مع الجندي شطاره؟؟= اختلف ميزانها يوم النخل ميل اعذوقه
احسب انك رحت للمسجد واثارك فالعماره= اتهى فرض الصلاه وراح مايمدي لحوقه