|
حبيب وعبدالله الميزاني (جــديــد )
يعجبني سوار الذهب ويعجبني اكثر اذا قابل الكنق
يكون في قمة حضورة .. اليكم هذه المحاورة . حبيب سلامي سلام فيه معنى وابا معناه **على الشاعر اللي جرته تدفن الجرة يقولون عبدالله على شان ذاك وذاه **يجيب الحصا في نجد من حرة الحرة :D عبدالله هلا مرحبا ليلك سحاب اوله واتلاه :)**يحول برد في مرات ويسيّل البرة يقولون شركة بين الاقدام والجمهاه **وانا ماعلي من العوازم ولا المرة حبيب وصلك السحاب اللي يسابق بروقه ماه **ويعطيك من خيره ويكفيك من شره :D ابو زيد رمحه فاللقاء خادمٍ شلفاه **وحظه بنا له بيت مع عالم الذرة عبدالله حبيب ولد لكن ويش اضحكه وابكاه **يجوز السبب صياف ومحمد الدره:D هذا العازمي ياطول صبره على ماجاه **عيونه صغار ويقطع الحبل ويجره حبيب حبيب ماخلى له حسوفه على دنياه **وعبدالله اللي شاب والكبد محتره:D هذا اللي يبا يداوي ضرير العرب واعماه **عيونه كبار وساع والكحل ماذره عبدالله على ماتبا ياحلو ياللي قليل حلاه **يحاول سنين يحط في ظلم في مغتره ربط محزمه واشتال حمله ولاوطاه **على جرته نسمع عتيبه لهم صره حبيب بعد راعي قفل على المقضاه **تحفر قبور الناس وتدور الصره هذا شاعر من مطير واحرص على شرواه **ولو اكثر المطران فالرجل منغره عبدالله والا يابراد الما دخيلك على حماه **عليه اربعين من المظلات منشره انا ماوردت العد حتى تفيح ماه **ولو ارده مره تساوي ميه مره:D حبيب تنادي ملوك الجن والجن قالوا هاه **وخطتم مكشوفه ونيتك مفتره ــــــــــــــــــــــــــــــــــــــــــــ اكيد لاحظتوا اطراء حبيب له ...ويستاهل :) والدليل في اخر الليل طلب حبيب .. يقول // سر الانجيل ماحط النصارى يهود **يالقيامه متى الدنيا هذا حالها . طبعاً سر الانجيل =موال تركي و ماحط النصارى يهود يعني ماهو حاط الشعراء القادرين في نظر الناس عاجزين عنه ويقصد حبيب اما البيت الثاني يستخدم الشعراء احياناً كلمه الدنيا لوصف الشئ الداني :) وليس بالضروره كما نعرفها ... كأنه به يقول :اليا متى وانت ياتركي على هالجهل ؟؟؟.. طبعاً انتقاده لتركي دائم :) واعتقد لم يقل سوى الحقيقه في بيته هذا . رد حبيب يقول // كان ودك تفرق بين عاد وثمود **علم ام الكباير تمسك عيالها :):) ام الكباير = تركي ...والعيال المواويل اللي مالها داعي:D واستمرت المحاوره صحت ألسنتهم صحت ألسنتهم |
محاورة رائعة جدا....
صحت السنتهم... ولاهنت يالغالي على النقل... |
عمالقه الى ابعد الحدود ولو ان الطاروق الاول يباله تحليل وافي لكي يفهم الذي لم يفهم. اقتباس:
|
كل الشكر على النقل يالذيب عبدالله الميزاني شاعر لا يشق عليه غبار كذلك حبيب ..
|
شكرا على النقل بس كان حطوا تحت اسمك ناقد |
هذه المحاوره اللي ماعليها كلام ذكرتني بالثبيتي وشليويح رحمة الله عليهم...
|
الله الله على المحاوره
تسلم على النقل ويعطيك العافيه |
ههههههههههههههههههههههه
حلووو معناهم الموال التعجيزي تركي التعجيزي ياليت تعطونا موال تركي التعجيزي نبي نضحك على بعض البشـــر قامت تلف على الماكرفون لين داخوو كخخخ مشكووور ا |
هاذي المحاورات الي علاها العلم وافية من رجال وافي ..
تذكرت بيت لحبيب على الطاير .. يا تركي قامت الايام تنطحنا بغير قرون ## الا يا وجد روحي يا الكلام اللي تقولونه |
لاهنتوا جميع على المرور
|
عبدالله
حبيب ولد لكن ويش اضحكه وابكاه **يجوز السبب صياف ومحمد الدره هذا العازمي ياطول صبره على ماجاه **عيونه صغار ويقطع الحبل ويجره حبيب حبيب ماخلى له حسوفه على دنياه **وعبدالله اللي شاب والكبد محتره هذا اللي يبا يداوي ضرير العرب واعماه **عيونه كبار وساع والكحل ماذره شوفو قوة الابيات ياعيال شوفو المعنى والجزاله شوفو حبيب وعبدالله كيف يسيطرون على المحاوره هذا لعب ولا بلاش الله يكثر من المحاورات هذي ويفكنه من العصبيه والقبليه بالمحاوره حي العقل عزالله انك كفيت وفيت يالذيب تحياتي |
مع أحترامي لكل الأراء لكن في الوقت الحالي يبقى تركي الفين شاعر مطير الأول من كل النواحي فهو يجمع الحضور المتواصل والقوة في طرح القضايا دفاعــا وهجومـــا |
بصراحه محاوره روعه
وفعلا عبدالله يستحق ان يكون شاعر مطير ينقصه الصوت فقط والا والله انه مبدع |
اكيد لاحظتوا اطراء حبيب له ...ويستاهل
والدليل في اخر الليل طلب حبيب .. يقول // سر الانجيل ماحط النصارى يهود **يالقيامه متى الدنيا هذا حالها . طبعاً سر الانجيل =موال تركي و ماحط النصارى يهود يعني ماهو حاط الشعراء القادرين في نظر الناس عاجزين عنه ويقصد حبيب اما البيت الثاني يستخدم الشعراء احياناً كلمه الدنيا لوصف الشئ الداني وليس بالضروره كما نعرفها ... كأنه به يقول :اليا متى وانت ياتركي على هالجهل ؟؟؟.. طبعاً انتقاده لتركي دائم واعتقد لم يقل سوى الحقيقه في بيته هذا . رد حبيب يقول // كان ودك تفرق بين عاد وثمود **علم ام الكباير تمسك عيالها ام الكباير = تركي ...والعيال المواويل اللي مالها داعي واستمرت المحاوره مع احترامي لوجهت نظرك المقصود محاورتك الاولى مع تركي وموال الشقر ومستحيل رجال يسب ويشجع على ولد عمه لوكان مزح |
والله محاورة عمالقه صراحه لاكن هذي البيتين مشاها
سوار الذهب على الكنق حبيب ولد لكن ويش اضحكه وابكاه **يجوز السبب صياف ومحمد الدره هذا العازمي ياطول صبره على ماجاه **عيونه صغار ويقطع الحبل ويجره |
اقتباس:
|
حبيب {ولد} لاكن ويش اضحكاه وابكاه*يجوز السبب صياف {ومحمد الدره}
محمد الدره لتمويه ولابعاده من الشبهات هذا العازمي ياطول صبره على ماجاه*عيونه كبار {ويقطع الحبل ويجره} وش الي يقطع لاحبل ويجره وكانت المحاوره عن زيد العضيله وتركي الميزاني |
اقتباس:
تمويه ويش وش البيت اللي فوته علي حبيب وش اللي يقطع الحبل ويحره وضح مافهمت |
خلها للي افهم منك يالعبد عشان بعد ذا الكلام وش تبيني اقولك؟؟؟؟
بس بقولك كلمة ولد ماهي بولد الي في راسك |
ياخوي علمه وش خسران انت
|
اقتباس:
اقول تقهو |
يالعبد هو يقول (حبيب ولد {ولاده}لاكن ويش اضحكه وابكاه؟؟سجوز السبب صياف هههه ومحمد الدره من شان يموه لانها معروفه قصة محمد الدره
ويوم يقول يقطع الحبل ويجره مايقطع الحبل ويجره الا الكلب الله يعزكم ويعز ابو فيصل |
اقتباس:
انا ادري ان هذا قصدك بس قلت اشوف عنك عموما تحليلك ليس في محله لا الحفره ولا المعني واترك التحليل لاهله |
ممكن انك صدقت يالعبد واصلا انا مالي في التحليل بس اني لاحضتها ههههههههه
|
| الساعة الآن »08:01 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd