ياهلا يامرحبا ثنتينهن ملتمه=كلمتين ولا لهن فأرض المعارف جره
ياخليفة مطلق المقصود سمه سمه=الثبيتي مات ماجاله خليفه مره

لو نقول الك البقا عند الرجال مطمه=مار ياناصر نصيحه لاتفك الصره
والثبيتي واردٍ عدٍ وردنا جمه=غيرنا مااحدٍ ورد هاك القليب ومره

الرجل لقام يفتن ويتنفذ كمه=ينحصر ياحسنةٍ مابعدها ياضره
ودنا إنك مثله ودمك يشابه دمه=مار نعرف نجد لايمكن تسمى حره

الرجال اللي لها مذهب ودين وذمه=تجزي الحسنه بعشر وكل حلق تزره
نجد قاعٍ صفصفا ماهيب مثل القمه=فرق بين النايفات وبين نجد وبره

الخليفه بالتغطرس يوم يفتح فمه=كيف يطلب خيرنا ولا يكفكف شره
نجد دار المجد ماترجع حصاةٍ صمه=يكفي إن الملح دونه فالعيون نذره

خيرك لغيري وعني في يداك تضمه=مااحد منا قال ناصر عز (لله دره)
ماانت بلحالك ليا كبرت وجات مطمه=دونها الميزان ارجح كفته وأ قره

المثل قد قال ياحمدي ياكبر الزمه=مار حمدي من فضاخة قلب ثوبه طره
حزت الميقاف ملزومٍ نشد الهمه=ياعسى عينك ليا دار الرحا محمره

من ينوش الداب ابو نابين يشرب سمه=وانت عاديته وسمه ذاق كبدك مره
والرحا اللي عندنا بالله كيف تذمه=يوم حبك تحتها قمحه مخالط بره

شم بارود الفتيله فالحرايب شمه=المصايب من يدورها تجي مفتره
يوم جاك العلم لا تخطيه خمه خمه=لو تشقلب سالفتنا نفسك المنغره

ناصر ادري لو أطخّه راح يبكي لامه=وامه القشرى عليّه كبدها محتره هاهاهاها
وانته ياللي جبت علمك رحت ما انت بيمه=كيف لو إنك حضرت بحفلة المغتره!!!

ماتطخ اللي معرب ساس ابوه وعمه=روح عنا دامك أنته هر وامك هره
العميل أليا خصمته زاد همه غمه=وانت ضيعت الاثر وش لون ياخو مره

في لسانك خم وهروج المخم مخمه=مايقول الا علوم تحت حد السره
والاثر طاح المطر فوقه وجاه ودمّه=والمطر قطره منه تطمس معالم ذره