مرحوم يا مطلق اللي لوّ مهما كان و يكون=ما فيه شاعر طلع مثلك و لا جالك خليفه
و اللي يتسمّى خليفة شاعر العتبان مجنون=لن جا و لن راح والله ما على مثله حسيفه

الله يرحمك يامطلق ويرحم كل مغبون=بعض العرب كبده من الغبن شعله وسط ليفه
و انا بعد فيك ماالد النظر والناس يدرون=حرٍ معرب ومثلي مايوقع فوق جيفه

ما دام يركب علاك ... الاسم خلّ الناس يفتون=يفتي به الشافعي و المالكي وابو حنيفه
يا طير ريشك ورى كل ريشه إلها ميزه و لون=و لا تخاو الطيور و شيفتك يا طير شيفه

اللي عطاني عصى موسى وهب لك سحر فرعون=واللي وهب لي بحور الشعر مااعطاك النصيفه
لكن تبطي عظم واللي مثل شرواك يبطون=ماتاصلون الطيور اللي مواكرها منيفه

إمقسّم الرزق ماهوب انت ربّي مالك الكون=تراك ما انته بركّاب الشداد و لا رديفه
برق الجناحين حتّى لو لها منقار و عيون=لا شافها النّادر الجراح ... مرباعه و صيفه

شطرٍ ماهوب إلك لا تطريه ثم تصير مديون=يالشاعر اللي ليا غنيت ماجبت الكليفه
يانملة الوادي إسليمان يسمع ماتقولون=واليا ابتسم يبتسم من هرج مخلوقه ضعيفه

أنا أنحت البيت من صمّ الصّخر وابليس ملعون=يمناي عن ما يريب النفس ماشالله نظيفه
مدام ربّي خلق لك ... بالكلام الزّين ماعون=أحسن تفكّ لك مكتب كان ما عندك وظيفه

ياناحت البيت عدّك ماسقى وردٍ يحومون=عان الجمال انكفت ياعد من فوقك معيفه
واليا فتحنا المكاتب هاتي لي ناسٍ يغنون=واللي وصوفه وصوفك لا يسجل في الصحيفه

يا عدّ ياللي عليك جمال خلق الله يردون=يروون و البدو ما تاردك بحبالٍ قضيفه
إفتح .. وكلٍ يجيك مولعٍ له راس غليون=يالصاحب اللي ثيابك من حرير و من قطيفه