سلام والعلم مدلوله براسي = والراس مرفوع قدره فوق الامتان
يالربع هاليوم انا زايد حماسي = ماهمني من يجي لوكان من كان

من هاجسٍ حطم الرقم القياسي=يامرحبا والعلوم اشكال واللوان
يامكثر الضول ياطول الحساسي=وان عودت للصمايل دورّ فلان

دام البقا والمساء خير الاماسي = مادام جاوب قوافينا كحيلان
قالولي انك معزب للتكاسي = اللي عليها طويلن صوت سلطان

انته تحب السجّع وإلا الجناسي=والا بليا هدف.. اوزان واللحان
وضح كلامك ترا مافيه باسي= بعض السوالف تجي من دون برهان

ماني بفاضي واذكر كل ناسي = اتذكره بالخطاء دورات الازمان
لوكان بيتك من الصم الرواسي = ماكان هزت بيوتك كلمة لسان

لا طاحت الطاولة بين الكراسي= دور لها غيري من الناس عمّان
لا والله الا تبا تطيح متواسي=ما دام ترمي بها من غير نيشان