يامرحبا من سمعها عدّ نفسه شريف = مادام الاردن معزتها من اشرافها
الشاعر اللي رصيده في مصارف جنيف = العمله الطيبه من حظ صرافها

المشاركة الأصلية كتبت بواسطة العازمي (المشاركة 652387) ,,, ,,, ,,, يامرحبا من سمعها عدّ نفسه شريف = مادام الاردن معزتها من اشرافها الشاعر اللي رصيده في مصارف جنيف = العمله الطيبه من حظ صرافها

دام البقا من سمعها كنه اللي عفيف=داره سكن وسطها ولا على أطرافها
الوقت قاسي وكل يحسب أنه عنيف=مار الليالي كفيله تكشف أضعافها

يامرجّح الليل فالميقاف جالك رفيف = بعض الطّوارات مدري كيف رفرافها
الجندي اللي يوكّل في غياب العريف = ماقاد جند السريه واحد خلافها

مدري كلامك قهر ولا أنت دمك خفيف=قد قالها شاعر السلمان بأنصافها
كل "ن" يشوف الرتب يا كود عين الكفيف=لو تنشده عن وسومه قال : ما شافها..!!1

لن كنت ياصاحبي ذا الليل عقرب صفيف = الداب مركوزة الاذيال قد عافها
الرتبه اللي تروّح كنّها مزن صيف = والا وسومي على العربان فاكتافها

والحيه أم اللسان اللي لصوته حفيف=الداب الأسود بنابه فالخلا حافها
(الأول اللي علا ..ولا الوصيف الوصيف..!!1)=روح بها للعوازم .. وانص عرافها

ضاقت عليك اللغه ,, تعديل لوحظ طفيف = تمشي على جرّتي والناس باسلافها
كانك تبا العافيه ربك رحومٍ لطيف = يالهامه اللي تراخت قدم سيّافها

ضاقت علي اللغه مار السبب فالقطيف..!!=اليا نزلنا لها نغرف بمغرافها
يالعازمي كيف تضرب روسنا بالرهيف=وأنته على الأرض والعالم بمشرافها

ومرت سمحان عن دربه يرد النكيف = عن ديرةٍ من نزلها يذكر اوصافها
ياغلى عقل فالبلد لاشك عقلك نضيف = ادماغ ماستخدمت في داخل اغلافها

سمحان يالعازمي وصف علاكم ظريف=غير وبدل بها ..ويزين محرافها..!!1
وقت القنص ما يحب الحر صيد الضعيف=وان شاف فيها وفيها فالخلا طافها

المشاركة الأصلية كتبت بواسطة مرجح الميزان (المشاركة 652557) يالعازمي ياعيد العالم الله ان الشرف لي لكن صح لسانك وتصبح على مثله ..