قصيدة مهداه لشيخ قبيلة الشيابين من الشاعر منصور الغازي
 

بسم الله الرحمن الرحيم

السلام عليكم ورحمة الله وبركاته


كما عودنا وتعودنا دائما من شاعرنا الفذ على كل ما هو جديد ومميز من قصائده الابداعيه

فها انا انثر بين ايديكم قصيدة لشاعرنا العملاق الشاعر / منصور الغازي الشيباني
يهديها إلى امير قبيلة الشيابين الشيخ / سلطان بن ماجد بن فهيد الشيباني



http://up102.arabsh.com/my/7f518f4.jpg

للتحميل اضغط هنا


تنومس ياقصيـدي ورفــع الرايـه وانا منصــور
نصتنـي طنخــه الفرحــه لبن عمــي وتنخانـــي


تناولـت القلــم في يـدي اليمنـى بدون اشعــــور
اعبـــر كيـف اعبـــر والفــــرح كلــه تغّشانــــي


عليك تصخـــر المعنـى واذا ضاقت علي الــدور
ابعثرهــــا وجمعهــــا وركبهـــا علـى اوزانـــي


بلبـي طنخه الفرحـه وبرضي خاطــر الجمهـــور
وشارك با المقام اللي يجـي شانـه ضمن شانــي


افرحبه كثير اصــدور ولو ضاقت علي اصـــدور
اعــلاج المـدوي الكيّـــه وســـوره آل عمرانـــي


عليك البيض ياسلطـان ابن ماجد حكيـم الشـــور
مقامـك تـــاج وحضـورك ينـومس كـل شيبانـــي


حفيد انته لخو شرعا وخو شررعا علـم مذكـــور
علــم نـبــراس للهيــــــلا بنـى للسـاس عمدانــي


علـم مرفوع بـا العليـــا عليه اسـم القبيلـه نــــور
علـم عبـدالعزيــز اثنـــى عليــه امزبـن الجانــــي


على نهجـه مشيت ولاحصل فيمـا مشيت اقصــور
على نفس الخطى تمشي ضمن حضر(ن)وبدواني


عطـاك بيـدك اليمنـــى ختـــم شمـــل القبيلـــه دور
وعطـاك القايــد الاعلـى ختـــم للفـــوج سلطانـــي


لك الهيبــه علـى معنــى ومن زودك تقـط الســور
على نـاس(ن)تشيــل ابشوتهـا من غير عنوانــي


يمينــك تكسـب الطالــه ولا تـاخــذ مـن المنثــــور
وفي راسـك طناخة شيـخ ابـد ماهي على ثانــــي


يا سلطان التفت ليمين ثم ايسار جـــاك احضـــور
تشــوف اشلـون لبينــــا نــداك انجيــك من دانـــي


لــو الدنيــــا تشتـتـنــا احــد لاهــي وحــد مجبـــور
علـى الوقفــات لمتنــا قلـوب اصحــاح وخوانـــي


شيابـيـن انتعـوذ مـن غثــى الشيطــان والمدحـور
واذا ضاقـت تعــوذ مـن غثانـــــا كـــل شيطـانـــي


عليك البيض يا سلطــان ابن ماجـد حكيـم الشـور
اميــر انتــه وبــوك وجــدك الاول علــى الثـانـــي

لكم مني اجمل واعذب وارق التحايا

منقول

صح لسانه...



لاهنت على النقل...

تحياتي..

تسلم

أخوي أبو مشعاب

ومشكور على المرور الكريم

الله يسلمك
وصح بدنك

أخوي عبدالعزيز الجذع

على المرور الكريم

صح لسانك أخوي خلف القتامي

وصح بدنك ومشكور على المرور الكريم

صح لسان الشاعر منصور الغازي ..


ويستااهل كل خير الشيخ سلطان بن ماجد بن فهيد ..

شيخ من ظهر شيخ ..


لكن ابي تفسير لهالبيت ..

انا اعرف ان اخوان شرعا هم الحمده ..


هل خوال الشيخ هم الحمده ؟؟!!

مشكور على المرور أخوي بدر الكريزي

أخو شرعا هو ماجد بن ضاوي بن فهيد

والد الشيخ سلطان بن ماجد بن فهيد الشيباني

أما ان اخوان شرعا للحمده ماعمري سمعت
أخوان شرعا هم الفهيدات من الشيابين ابناء الشيخ ضاوي بن مصلح بن فهيد

وخوال الشيخ سلطان هم العلوات من العصمه
هذا ما اعرفه يا أخوي بدر الكريزي

إبن فهــيد .. تسلم على التوضيح ..

ونعم بكل اللي ذكرتهم ..


اما انك ما قد سمعت ان الحمده اخوان شرعا لأنك يمكن مقل من قراءة الدواويين ..


لو ترجع لقصص ومعارك الشيخ تركي بن حميد بتلقى هالشيء ..

يقول ابن عبيان في مزاين الهيلا :

شهر صيت ( اخو شرعا ) بفعله وباذكاره
ومسلط صليب الراس لا ثوّر الدخان
يصد العدا (خيّال سبلا ) عن دياره
على الترك غاروا والوقايع لها برهان

اخو شرعا : تركي بن حميد ..
وخيال سبلا : مسلط بن ربيعان..

/

وهذا من موضوع والقاب عزاوي عتيبه :

أخو شرعا: عزوة الشيخ الفارس تركي بن صنهات بن حميد
قال فيه الشاعر



ملفاك أخو شرعا زبون المخلاين ....سلم عليه وفسر العلـم تفسيـر


/


والنعم بإخوان شرعا كلهم .. الحمده او ابن فهيد ..

وعذراً على الإطالة ..

تقبل مروري ..

الأول شي صح الله لسان الشاعر منصور الغاززي

قصيده جزله...والشيخ سلطان يستاهل أكثر من هالشي.. بالنسبه

للموضوع اخو شرعا لمين يالربع كلنا ابناء عمومه واتمنى ان الشي ذا مايصير بينا حتى العزاوي.. الله يرحم الأمير تركي والأمير هذال والجميع

مشكور يابن فهيد على النقل الجميل

أخوي بدر الكريزي

والله وسبعة انعام بالحمده

ومشكور على المعلومات التي اضفتها لي

وانا ما اقول فيهم شي وترا بينا وبينم صلة قرابه جعلها تدوم ان شاء الله

ومشكور على المرور الكريم

العفو اخوي الوفا طبعي

ومشكور على مروك الكريم

اخوي الوفا طبعي انا ما قلت ان اخو شرعا حكر على احد.. والنعم بكل من تعزوى بها ..

اما الأخ الغالي فهيد ..انا والله انا ما سألت عن خوال الشيخ ماجد الا وابي يكون عندي علم بشيوخنا اللي نفتخر فيهم بكل مجلس ..

اما ذكري ان الحمده هم اخوان شرعا بعد .. والله انها من باب انها معلومة ولاني بباخل بها على ولد عمي ..

وحنا هنا ان ما استفسرنا من بعض واخذنا علوم بعض ولا ما فينا خير يا ابن عمي ..

والدعوة كلها اني اخذت منك معلوومات وعطيتك معلوومه هههههههههه

هههههههههههههههههههههههههه


يازينها من معلومه دامها جت منك يالغالي

ومشكور ياأخوي بدر الكريزي

يستاهل الشيخ سلطان بن فهيد المدح وصح لسان منصور الغازي

يبدولي انك فهمت كلامه خطأ فهو يقصد ابناء ضاوي بن فهيد وذكر ذلك في رده اما الشيابين الفهود المغذاه وفرسان نجد فألقابهم لا تكاد تحصى

اخوان شرعا الحمدة


والفهيدات اخوان هملا


والنعم بهم كلهم




الشاعر يبدوا وقع في خطاء كبير0000وشكرا لكم

أخوي

ذيب الشيباني

جاوبك

أخوي هيلاوي
شقاوي

على كلامك


وشكرا لك على المرور

مشكور أخوي هيلاوي شقاوي على المرور

وشكرا لك التوضيح للأخ ذيب الشيباني

أخوي

سلطان

الشاعر لم يقع في خطأ كبير

لكن أنت وقعت في خطأ

أخو شرعا لماجد بن ضاوي بن فهيد

وهي ليست حكر على ماجد

مثل ما قال اخوي الكريزي

وشكرا لك على مرورك