عدد وبل السحاب اللي بروقه كنها الرايات=سلام الله على الهيلا بداخل منتدى الهيلا
وانا خابر عتيبه في المواقف تحتمي الوقفات=لكن اليوم يوم التقنيه لا هجن لا خيلا

عدد صف الفيالق و الكتايب فالطلب جايات=هلا يامرحبا بالطرقي الي يسري الليلا
كسبناها زمانٍ فات للاحياء و للاموات=وبقيت عادةٍ لربوعنا جيلٍ بعد جيلا

عسا صف البيارق مايغير طيب النيات= نبا نسري سوا ياللي تبيع البن والهيلا
بعد قام الجمل بالحمل من بين العرب بسكات= ومال الحمل فوقه ليش ماعدلتو الميلا؟؟

بيارقنا جمعناها لراياتٍ لها طلات=على قول المثل فالصيف لاحدٍ يامن السيلا
جملك الي تقوله عندنا مابان له شوفات=ولو ربعي ياصاطي تجهلك يامحكم الكيلا

انا ماقلت في علمك غطيه ود ولا هات= لكن اللي نقوله قبلنا ياذيب ماقيلا
ولكن ياعتيبه فالوازم كثرت الغيبات= حزام الوسط لسكين ولا للمعاميلا؟؟

مادام أنك فهمت العلم لاتنظر على الي فات=أسر مسرى الذيابه والجدي مايجهل أسهيلا
يقولون الرجال أن النشاما فالصخا قامات=أحد يقلط على رز وشحم واحدٍ على ويلا

الا ياراس ابو نوماس ياللي تعرف الصكات= ترى صكة نهار اليوم مثل العام تفصيلا
اظن السيف سيفك ونت منت بقايد القوات= لكنك لا تهوش مع الرجال وسيفك اخبيلا

ولا ياراس ابو حاجون ردد وازعج الونات=وفات القرم من نوع الشاهده ياهل الفيلا
مادام أن النعامه راسها ضاري على الدسات=عليها الله وأمانه ماتشوف الحط و الشيلا

المشاركة الأصلية كتبت بواسطة بعيـد الـدار (المشاركة 651782) ولا ياراس ابو حاجون ردد وازعج الونات=وفات القرم من نوع الشاهده ياهل الفيلا مادام أن النعامه راسها ضاري على الدسات=عليها الله وأمانه ماتشوف الحط و الشيلا