وليد فارس من رياجيل فرّيس=إيمثّل الهيلا قبيلة عتيبه
وإمرشّح الفايز بكل المقاييس=بأخلاقه و شعره و فعله و طيبه
إن كان ما جا فالقضيّه دحاليس=المركز الاول خذه من نصيبه
يعيش كسّاب الفخر و النواميس=اللي عطاه الله مكانه و هيبه
قرناس من روس الحرار القرانيس=اللي مواكرها بعال الرقيبه
على طريقة مبعدين المراميس=ينشا الولد حتّى يجي عود شيبه
إركب ودرّسهم على الخيل تدريس=معهم كأنك صرت قايد كتيبه
البيت ما يبنى على غير تأسيس=وانته جدودك فالحياه الصعيبه
خذوا على ظهور الاصايل مراويس=و لا هي عليك انته بعدهم غريبه
فرّيس نمراً فالملاقاه أشاويس=إتقنّع الغازي ثياب الغليبه
وان صبّحوهم مع حتون الغطاليس= أخصامهم تنزل عليهم مصيبه
وحنّا نكرّس جهدنا معك تكريس=وإن قال الله اللقب تاتجيبه

صح لسانك

والله انه يستاهل المركز الاول هي بس تسلم من الدحاليس