مرحبا في مرحبا في اثنين والناتج هوايل=للرجال اهل المواقف ربعي عتيبه حزامي
التفت شرق وجنوب وغرب وليا اجهات حايل=من يخاويني مع الطرقه وخط النار حامي

البقا ياللي ترحب بالعرب والراس طايل=وانت ساطي قلب ياساطي وانا ساطي وظامي
سرها مسرى الذيابه بين يام وبين وايل=مثل مسرانا على عروى من الدار التهامي

شاش راسي يا بن عمي بعد جاء رد الرسايل=مثلكم يفرض علينا كل حشمه واحترامي
بعد طريت العلوم الماضيه يوم القبايل=ميلها يم الموالي قسمنا راس السنامي

الخيال الموسمي خيل وخيله فالمخايل=ياعساه أيساقي الديره ثلاثين الف عامي
والله أنا ما خذيناها من العالم جمايل=ماخذين العز من رد البرى شرقٍ و شامي

الله اكبر هاض بالي ارقب لطلع الاوايل=يابعيد الدار شف البال شوف السيل طامي
تشهد العدوان والصدقان في ذيك الفعايل=والحجر لو ينطق بيشهد مع وادي جهامي

ياولد مرشد سليل المجد ليش الحمل مايل=لاتغير بعد ماطال السفر لجل النيامي
يرحم اللي نزلك بالرمح وارهيف السلايل=طبعهم (حمايت المركي) موردة الحسامي

ما يميل الحمل يا الشاعر مع عيال الحمايل=طالت الطرقه على عينك وانا اشهد ما تلامي
يرحم اللي عنك حد القوم في ضهور الاصايل=ربعنا كعامة العايل عساهم للرحامي

يشهد المولا وخلقه واكثر العالم دلايل=مابخسنا وزنت الميزان والعلم النظامي
المثل قد قال قولٍ ينحفظ مع كل قايل=ياتدوس الراي ياتنداس في يوم الزحامي

أعرف لوضح النقا معرفك يا درب التحايل=رح لناس غبت البلوى ورى كبار الاسامي
والمثل قد قال قول ما لقينا له بدايل=زبدته مقال(ن) يصنف على حسب المقامي

كل وجهٍ غير وجه الله يامخلوق زايل=مير لا جيتوا ولد مزيد عطوه ازكا سلامي
الهبوب البارده هبت وسيل الارض سايل=ياعساها تحيي الدار الدهر غر الغمامي

شاب راس العود ما فاخت جميلات الخصايل=دوك يالمرسول بلغلي سلامي للزلامي
نومنا نوم العوافي والعدو نومه ملايل=ليلته تضوي وتقفي ما تلذذ بالمنامي

المشاركة الأصلية كتبت بواسطة فالح بن مسيب الدحيلي (المشاركة 639521) صح لسانك يالمرشدي وصح لسان غريب الدار والخيل تعرف من مراكضهااااا

المشاركة الأصلية كتبت بواسطة نايف بن ملحق الثعلي (المشاركة 640568) المرشدي ساطي بعيد الدار بيض الله وجيهكم صحت السنتكم

المشاركة الأصلية كتبت بواسطة قادح شرار (المشاركة 641002) يا سلااااام يا ساطي , واصل واصل على دربك . صحت الألسن يا عتابه.