ياراكب ٍ من عندنا عيـدهية = عميلت ٍ تدني بــعيد الدار
بنت الحـويطي وأمها باطنية = من قيتن من نسع الازوار
يضيع فيها الوصف من زين لونها = في وصفــها تحير الافـكـــار
مـا قول لا حمراء ولاقول قمرا = ومـخالط ٍ عطارها شقــار
كبار ٍ عـثـانيها قصير ٍ ذيلها = وعيونها كـن وسطها شرار
بيض ٍ مذارعها وسيع ٍنحرها = والزور واسع والعضود كبار
مرعوبت ٍ يزولها من ظلالها = مطفوقت ٍ كن صابها عشار
تطرب لامنها سمعة اللي يغني = وكنها حتى من نفسها تغـــــار
وتوهي سديس وتوهم يعسفونها = ومحيلة وما قط جت بــحــوار
ولا فوقها الا الخرج والدل والدلع = وشدادها والمـيركة وعــــذار
لكن أحب الهجن واللي يحبها = حيث ٍ لركب الهجن عندي كار
الله يلوم اللي يلومني في حبها = سـفــن الصحاري والـديود درار
ورفايق ٍلآبائنا وأجـدادنا = ومن بار فيهــــن فهــو بـــــــــوار
ياراكب الـعـوصـاء عليك بوصاتي = وخلك على كـثر التعب صبار
يا طارشي رد الـسلام وتحيــــة = لســلـطان بن جهجاه عز الجار
وقلط بمجلس منبع الجود والفخـر= قول ٍ علاه شهود ماهو زار
في مـجلـس ٍ ماقط يـغلق بابـه = ومشـرعن في الليل والـــنــهار
في الركن الايسر تاجد الهيل والبن = والركن الايمن الشحـم وقــتار
ذوي حمد حازوا على المجد والفخر = ويـشهـد لي الـتاريخ باللي صار
سلاطين وقت الـسلم وكرام في القسا = وشـجعان لاركبوا سروج مـهار
لازعزعوا بظهورهن الكريزي = صـاروا عفاريت دخــن وغـبـــار
يكرمون الضـيف والجار والخـوي = وعـــدوهــم يــسـقـونـه الامــرار
يــاسعـد مـــنهو فاللقاء فزعــتلــه = لا مــن كــل ٍ فـي عميـله بار
أدنــا من أ دنــا لا تعدى الا دنى = تــحـتار كـأنـك نـــاوي ٍ تختا ر
تـركي وبن هندي وهندي ونـايف = وعــقــاب وأبا الروس والـعــــفار
ودحــيم وبن بـجاد وبـجاد وكـم بعد = صواريم حوران مــعا ســـنــجـــار
وأهل الـشــيخـه اللي مـا تسوي مثلهم = كما الريش لا جـته العواصف طار
والشـــيخه اللي لاشجـاعة ولاكرم = كـما الــشـجرة اللي ما تجيب ثمار
مـثل العشر مافيه ضل ٍ ولا ذرا = ولايــرعي ولا يشب الــــنــار
وأهل الشيخة اللي بس بالبشت والمعم = هذولاك شيختهم علاهم عــار
لا صـار لايـقري ولا يروي القــــنا = ها ويش شيخته جعل أبوه النار
المرجله مـاهوب سهل (ن) طريقها = هضبة عســيرة دونها الاوعــار
ولابدمن لـدغ الـنحل دون حالي العسل = والدر دونه غبت الابــــحــار
ومن لا تـعب للمرجـلة مايجيبــهـــا = وترى الــذهب ما يصنع من الفخا ر

يا نايف اسمع وصاتي يوم أوصيك = وصاة من ذاق الحلاوي والامـرار
وصاة من جرب آل هاذي وهاذيك = وكثر التجارب يحسنن منظم الاشعار
أعرف صديقك قبل تعرف معاديك = حــــتى تعـرف الخفايا والا ســــرار
لاتنخدع في كل من قال أنا أغليك = أخـذ الحـذر من كــل غـادر ومكــــار
ثم أحتـفظ باللي تعرفه مصافيـك = ينفعك لاعــمــس ٍ الريايا والافكــــــار
ترى الصديق الصادقة هي مخابيك = وباقي الصــداقة كـــلها كـذب وقــمـار
ولاهم بني عمك ولا هم عوانيك = لا عــم لا خــال ولاخــوي ٍ ولا جــار
مـخباك هو اللي يعزك ويغـليك = ويجـلـب لـك الـصد قان من كل الاقطار
مـخباك هو اللي من العيب يحميك = ويطهرك ولو أنك أنــجـــس من الفار
لولاه والله ما حدنٍ يلتفت فيك = و لحــدنٍ يــبـي شـوفـك لـو أنت مـــــرار
لـحدن يــبـا شوفـك ولـحدن يراعيك = وجمـايلك تــنـسى ولا كن شــي صـار
وكــل ٍ يـسبك كل ما حل طاريك = وكـل ٍ يــقول أنـك كــذوب ٍ ومكار
وخـل الـشجاعة دايم ٍ من مباديك = وأحــذر مـن الــعيلـة وترى الله ستار
وأحفظ حقوق الــجار لـو كان يوذيك = وأدمح لـه الـزلات ولـو بالـخــطاء جـار
لابد من يـوم ٍ يـتـنـدم وياتــيـك = وأليا تــعذرمــنــك فاقبل منه الا عــذار
وأيظا إلــيا شفـت الـليالي تجافيــك = خــلـك على الا يام قــاســي وصــبـار

عـديت في رجـم ٍ صعيبة مراقيه = رجــم ٍ عــلى المـراقــــيب نـــابــي
والـدمـع من عـيـني تذرف عباريه = وشـاب الـشعَـر وأشــهـب قلبي وشــابي
من واهج ٍ وسـط الحشى يجتهش فيه = أقـصى الـحـشى كــن يـنـهـشه سم دابي
سـلط على المـرقاب ما كثر طواريه = هيضت يـا المرقاب وأبريت حــالـي
يا راكـب اللي نازح البعـد تدنيه = مــسـيرهـا بـيـن الــسماء والــسـحـابي
يـضيع فيها الوصف لا جيت أحليه = روس أجنحتـهـا مـثـل روس الـحرابي
طـيارها من ديــرة الروس ناقيـه = عـينـه مثل عيـن الــحـنش بـه شــهابي
خــاله وأبوه من الـمدارس مربيه = من أبــطال رواد الـفضــاء ما يهـابي
ما شال مخيول الغنم سارح ٍ فيه = ولا قال فـوق العـيـر شــدوا زهابي
عـلم الكـواكب والـفلك فاهم ٍ فيه = وأيضا لــعلـم الـنــو عـنده حـسابــي
ألــيا شـهرها ما تحق النـظر فـيـه = مـثـل الــقـطاة الـــلي خـرشـها العـقابي
بـلاه يــا طيـارخـطي تـوديـــه = وألــيا وصــل مــرزوق رد الــجـوابـي
قـلـه ترى خالك على البعد حاديه = والـقـلـب مـن بــعدك طواه العذابي
قـلبي على شوفـك عطاشا ظواميه = وبـيـني وبـيـنـك نـازحات الــــروابـي
وبـيـني وبـينـك حايلاة ٍ رهاريه = وكــم ســهلـة ٍ دونـك تطارد سرابي
والـقـلب يا مرزوق حبك شبك فيه = كـما شبـك حــبـر الــقـــلـم بالـكـتابـي
وأن كان قـلبي طيــبات ٍهقاويه = فا أنته خــيار أكبــاركـم والـشــبـابي
والـحـر فالبيضاء تـبـيـن مـواريــه = وعـسى ظـنونـي فـيك تـاتي صـوابي
أســمع وصــاتي وأفتهم في معانيه = عـسى يـــمــينك ما يـجـيـها الـعـيابـي
وصــية اللي كــل بـحـر ٍ سبح فيه = وفـهمان فـي درب الـخـطاء والصوابي
راسـي على صكات بقعــا مضريه = ومـن كــاس بـقـعــا ما خـذلي شرابـي
ترى الــجـهـل يالقرم يلعب براعيه = وكـم واحـد ٍ لــعـب الــجــهـل به وخابي
وتـراك حـر ٍ من حـرار مجانيه = والــحر الاشـقـر مــا يـرافــق غـرابــي
د ور من الـخلان حر ٍ تـصافيه = يـنـفعـك لا جـتـك الـلــيالي الــصـعـابـي
وأنذرك عـن راعي الردى لاتماشيه = وأحـذر من الــدسـعـة تـراهـا الـعـيـابـي
ترى الـردي مـن جـالـسه يقتدي فيه = ومــن جالـس الطـيب كسـب منـه آدابي
ومـن خالط الجربا على الطول تعديه = ومن جـالـس الـخـايـب درع فـي الخـيـابي
والـنذ ل للـدســعا ت نفسه تمنـيــه = دايـم سـواة الــفـار وســط الــزهــابـي
دوم يـتـلخص في معاور عوانيه = ويـــدور الـــغـــرات عــفـن الــشــبــا بـي
الـحـر لـلـعـلـياء عـزومة تـهـقويه = والا الــــدجــاجــة عــيـنـها لـــلـــتـــــرابي
ومـن لا يـعـز الـنـفس بالـعـار ترديه = وتـرمـيه فـي غــبــات بـحـر الــخــــرابي
ومـن طاوع الـشـيطان والـنفس تغويه = تـرى الـشرف عـنده رخــيص الـجــنـابـي
والـبــوم دايـم في الجحارة مـرابـيـه = والـحـر دايـم مــاكـره فـي الـــهــــضــابي
ومـن قـل مالـه كـل عيب ٍ يجي فيه = ولــوهـو صــدوق صــار هرجه كـذابي
وألــيــا جـفــتك الــدار واللي سكـن فيه = عـن ديــرة الــهــجــران حــث الـركــابـــــي
مـنــزلـك في كـوخ ٍ من العز تبـنيه = ولا الــتــلــجــي عــنـد بــعــض الـــقــرابــي

قـلـب اللـي كـل ما طــابــــت كــويـه = زا دتـه غــبـر الـلــيا لي مـــن عـنـاهــــا
كـن حـجـر الـعـين وسـطه ســم حيه = حـاربـه حــلـو الـــكـرى مـا عـاد جاهــا
وونس ضـلف الرحل عـض ٍ فيه = وأجـحـده والــنـفــس فـيـها مــا كــفــا هــا
وبــارو الــخـلان والــسـده رديــه = والـقـرنبع دوك " أبو طنقور" جــاهـــا
صحـت بأعلى الصـوت يارجال الحميه = لـيـن صوتــي قــام يــصــقع من وراها
وشــفـت أنـأ بعض أصدقاي منافقيه = وأقـرب الـجـدا ن بــيــن لي جــفــا هــا
يــحــســبـون أنــهـا هـزيـمه جت عليه = وأن ســبــل الـرزق جزة بي عـــراهـا
ما درو بالرزق عـنـد الــلــه غـبــيــه = بـيـن كــاف ونون أليا الله قـد قــضاها
وأشــكـر الايام لـو جـا رت عـــلــيـه = بـيــنـت عـدوان نــفــســي وأصــدقـــاها
الــلـيـالي بــيـنـت لـي كـــل شــــيــه = والــتـجــارب بــيـنـت لـي مـا خـفاهـا
والـرد ي مــا يــنـفـعـك لو هـو دنـيه = والــهــلامـة مـا تـفـيـد اللي كــلاهـا
ولاحد ٍ من السراب يــسـقـي ظـميه = والـعـشـر لو أثـمرت ماحد ٍ قد جناها
كــم صـبي ٍ يـحسب أنه راح نيه = غــرتــه دنــيــاه يـوم أ كـمـش علاها
صا ير ٍ لـه مــر بـد ٍ كـنـه ظرويه = مــثــل خطـوا مــجـر ٍ شيـنة حـلاهـا
لـو لــبــنـهـا سـيــل طعـوس أعـفـريــه = ما حد ٍ يــشـرب لـبــنها الا جراهـا
حــرمــتـه مـره ٍ علاها كـل شــيـه = جــايـز لــه طــبـعـهـا يــتــبع هـواهـا
غـيـرهــا مـا يـنـتـويــله فيـــه شـيـــه = و كـل شي ٍ فـي كــلاه وفي كـلاهـا
جــعــلـهـا الله راس مـالـه والوصـيه = وشــا ربــه فـي (....................)

ســلــط عـلى الــنـفـس الـرديه ما ذلها = دايــم وصــاحـبـها كــثــيـره مــصايـبه
من طــاوع النفـس الــدنــيه تـذ لـــه = وتـكـثـر عــيـوبـه و الــقبـيـلـه تـحـاربـه
لاحـد ٍ يـاثـق بـه ولاحد ٍ يـحبه = و ألـيـا مـشى كـــل عــيــن تـراقـــبـــه
لا صايـن عــرضـه ولا له كــرامـه = والـعـيـب مـما كـان مـا هوب هايـبه
وأن قــلت له يالـنذل مــاهوب يـزعـل = بـسـيطة ٍ عـنده ولاهـيـب ذاربـه
نــفسه مطـاوعـها على كـل دسـعــه = ومرخ ٍ لها حبل الرسن فوق غاربه
زيـن لـه الـشيـطـان في كــل مـعصيه = وأغـضب ولـي العرش وأغــضـب قرايبه
مـتـخـمر ٍ بالطـين عقـله وجـسـمـه = ودايـم وهو مـع كـل خــا يـب وخــايــبـــه
متـمتـع ٍ بالـعار والـنار والــخـزى = ومـتـناسي ٍ رب ٍ لابـد مـن يـحاسبه
بـاع الـفـضايـل كــلـهـا بالـرذائــل = وهـو يـحـسبه غـالب ولـحـد ٍ بـغا لبه
جـنـب طـريق الـرجـال ودربهــم = وأهــل الـرذائـل كــلــهـم من صـحايـبـه
د ايـم معا الـحـارات يومـي شـلـيلـه = مـتـشيـل ٍ كـل الـعـفـن في شـوا ربـه
مـثـل الـذبـاب يـدور بيـن الـقـمايـم = ومعا الـقـذارة سـابـحا ت ٍ مـخا لـبه
هــمـاز لــمــاز ٍ وراعـي نـمــامـه = وكــل الــبــلــد خـربـانة ٍ من سبـايبه
يـسـحب لـسـانك غـصب لما تكـلمه = ويــجـعـلـك نـمـام ٍ وذمتك خـاربـه
يـسـب الـرفـيق ويسب باللي يرافقه = ومـن رافـق الخايب شرب من مشاربه
عـيـب ٍعـلى كـل القبـيـلة تـرافقه = تـعـطبـهم الجـربـاء وهي قـبل عاطبه
مـتهور ٍ مـغرور يسبح مع الفـضاء = وهوما درى أن فـيه المضاريب صايبه
لـوعـاش بـعض الوقت ما صاده الشبك = لابـــد من جـلاب الاسبـاب جـالبـه
و لابـد يـحـصـد من الـشـر زارعــه = ولابـد مـا يـنـدم مـن الــخــمر شـا ربـه
يـصـبـح يجاب له الدواء ولا يفيـده = وفـي كـل ســوق بــايرات ٍ جـلايــبــه
من كف مـمـرور جـزوع ٍ من الخناء = صـميـدع ٍ مــقــدام عـطـيبه مضاربه

الــقلب يا نــايف كــــــــثر به دواكيــك = وجمع عـلـيه أبلـيس كــل الــطـــــواري
كــن المــكا وي وسـط كبدي مشاويـك = وعــيـنـي عـلى شـوفـك تـهل الـعبــــاري
مـن خـوفـتي تـبكي ولاحـد ٍيراعيك = أو تـلـحـقـك خصة ولاحد ٍ بـــــداري
ربـيـع قـلـبي يوم أشـيلـك وأحاضيك = وأصبر على كـثر الـتعـب والعـــزاري
تـسـهر عـيوني يـوم تشكي مشاكيك = وألـيا بـكـيـت يـروح قـلـبـي أكـساري
وأكد وأتعب وأجتـلـد لـين أعـشيك = وأضـفي عـليك أغـطـاك وأبا ت عاري
مستجهد ٍ بغذاك وأربـاك وأرجـيك = لا شفت زولك كني أمـلـك عـقـاري
وأنـا بهـقـوات الـسـعـد هـاقـي ٍ فيك = والـحـر في الـبيـضاء يـجـيلـه مواري
يـا شـين دار ٍ ما تطـبه مـواطـيـك = لو ٍ بها الــجـنـة وحـور الــعـذاري
والــد ار عـقبـك لو تنـور با أتاريـك = صـارت ظـلام ٍ لـيـلها والـنـهـاري
لـعـل دار ٍ مـا تضـمـك وتـغـلـيك = تـعـطى الـزلازل والـمحـن والـدماري

قصيده طويله لشاعرنا عليه رحمة الله
كنت احفظها وانا عمري 9 سنين ... وكانت رد
على قصيده اسندها اليه محمد بن نوار عليهم رحمة الله جميعا ..
...
لاهنت ياعمر وبيض الله وجهك ....
على احضار قصائد هذا العملاق

المشاركة الأصلية كتبت بواسطة عبدالله الجـــذع (المشاركة 638697) عمر مشكور يالغآلي على المجهود الجميل قصآئد عًُصم لي رجعه للتمعن محبك ,’

المشاركة الأصلية كتبت بواسطة مرزوق حمدان العتيبي (المشاركة 638705) وليا جفتك الدار بدل بغيرها = مايلتوي بالربق غير الضان ولاجيت ربع ٍ غلقوا عنك بابهم = ياما من البيبان والصدقان خل الوطن لارحم ابوا من هوله = لاصار مالك بالوطن مسكان قصيده طويله لشاعرنا عليه رحمة الله كنت احفظها وانا عمري 9 سنين ... وكانت رد على قصيده اسندها اليه محمد بن نوار عليهم رحمة الله جميعا .. ... لاهنت ياعمر وبيض الله وجهك .... على احضار قصائد هذا العملاق

المشاركة الأصلية كتبت بواسطة الاصمعي (المشاركة 638724) الله يرحمه ويغفر له ذنوبه ويجعله فالجنه عبدالهادي بن مشعان الدغيلبي شاعر معروف مثل نار على علم شاعر من الطراز القديم مره قصايده حكم يعطيك العافيه ياعمر ونبغى الجديد عن الشاعر .

المشاركة الأصلية كتبت بواسطة الـلاصـوم (المشاركة 638728) رحمة الله على شاعرنا واسنكة الله فسيج جناتة بيض الله وجهك اخوي عمر الى الجهود التي تبذلها تقبل خالص ودي واحترامي

المشاركة الأصلية كتبت بواسطة محب الهيلا (المشاركة 638769) يعطيك العافية مجهود تشكر علية

المشاركة الأصلية كتبت بواسطة ابومشعاب (المشاركة 639304) الله يرحمه ويجعله في جنان النعيم ان شاء الله .. الشاعر : عبدالهادي بن مشعان الذغيلبي .. له نوع خاص في قصائده ومن شعراء القبيله المشهورين من دون وسائل اعلام او غيرها .. اخوي الغالي عمر العتيبي لك الشكر الجزيل على ديوان الشاعر غفرالله له .. ولكن متى توفى رحمة الله عليه اي عام بالظبط ؟

السلام عليكم ورحمة الله وبركاته ,,,

الاخ ..العزيز .. عمر العتيبي حفظه الله

اتقدم بالشكر الجزيل بهذا الجهد الرائع اللذي قمت به لهذا المنتدى الرائع

ولشعراء القبيلة ومنهم والدي غفر الله له ..

عبدالهادي بن مشعان القبع الدغيلبي العتيبي ..


وهو الشاعر الكبير والراوي المتمكن والحافظ للكثير من مرويات التاريخ

الشعبي سواء للقبيلة أو للقبائل الاخرى.


والشاعر رحمه الله له الكثير من القصائد التي لم انشرها لهذه الساعة


بسبب انشغالي الشديد , واحب ان اقدم لكم نبذه قصيرة عنه لحياته

وشعره..



هو الشاعر . عبدالهادي بن مشعان بن فرج القبع الدغيلبي العتيبي


ولد عام 1343هجرية وتوفي في يوم الاحد الموافق 25|1|1429هجرية


عن عمر يناهز 88 سنة


وكان مسقط رأسة منطقة الجله بين اخواله من قبيلة المشاعلة


احدى قبائل قبيلة قحطان الكريمة..


وليس له من الاخوان الا أثنان ..ذعار وهو الكبير وخالد وهو اصغر منه



وثلاث أخوات منهن الشاعرة الكبيرة|عمشا بنت مشعان القبع وهي


وهي اكبر منه.


ارتحل الى الكويت طلبا للرزق وهو في سن 18 سنه ومن ثم الرحله


الى العراق وبقي فيه لمدة عشر سنوات في مناطق السنة محافظات


محافظات الانبار والرمادي والفلوجة خصوصا وتزوج بها من فتاة من


عشيرة العبيد . واقام معها مدة سنه وهو قد قال لي بأنه قد تركها في


بلدها وهي حامل ولا اعلم حتى الان هل ولد له ابن ام لا ,وقام بعدها


واتجه الى فلسطين واشترك بحرب 48 واقام بفلسطين مدة سنتين


تقريبا ومن ثم العودة الى نجد وقد تتبع سبل الرزق في كل مكان سواء


في الامارات او ايران او العراق وحتى اليمن ..وتعتبر حياته في مجملها


حياة شقاء متعبة فمن الفقر الى التعب من اجل الرزق وهذا الشي


قد اثر في شخصيته وفي مجمل شعره, فهانك شعر تهكمي وشعر


ياخذ بجانب النصح والحذر من الناس وهناك الهجاء الشديد الاذع والساخر


وهو اللذي قد تأثر بالشاعر الكبير |حميدان الشويعر , وصنع لنفسه


وشعره شخصية مميزه له وكان متمكن من صنع الشعر المسرحي


البسيط والجميل والهادف .


له من الابناء 5 توفي 3 وبقي أثنان واحدهم محدثكم نايف


"عامر بن الطفيل"

والاخر مشعان وهو اكبر ابنائه وكانت وفاته رحمه الله بشكل فجائي


لآنه توفي وهو بكامل قواه العقلية والجسمية ووفاته بسبب القلب



وانا أبنه اللذي شقي من أجله وكابد سنين العوز والفقر والوحده وكان


يرجوا لي كل خير وحسن المسلك وكان له ما أراد حسب ما أعتقد


وافعل وأن كنت مقصرا فليس للوالد الا البر به ولن يبلغ شيئاُ اي أبن


في رد ولو جزء بسيط في حق والدية ولكن نسدد ونقارب والله يعرف


مافي القلوب



وانا الان في صدد ترتيب وجمع جميع قصائدة واعادة كتابتها من جديد


وكان رحمه الله اخر قصيدة مدح وثناء على الشيخ والاب الكبير


بندربن نايف بن محمد بن هندي في مواقفة المشرفة لقبيلة عتيبة


الهيلاء وخصوصا جمع القبيلة وتضامنها في مزاين الهيلاء..



عسى الله ان يعنني في في البر به في مماته والحفاظ على موروثه



وحفظ جميع ما كتب .


والوالد هو عم الشاعر الكبير مانع القبع


ورحم الله والدي وجميع اموات المسلمين وادخلهم جنته





اخوكم . نايف بن عبدالهادي القبع " عامر بن الطفيل"