سلام رديه جديده ما دخل فيها ردا=تشمل جميع الحاضرين من العرب والا العجم
لا والله الا جاكم النمر السريع اليا عدا=محدٍ يرده من طريقه نعنبوا جده هجم

يامرحبا بك يالمسلم ..مار وش هذا الندا.؟!=انته بدار مومنه ما انته بدار أهل الصنم
اليا عدا وليا قعد ثنتينها ماله جدا=شكره على اللي بالحزام اللي يسده محتزم

دام البقا واهل التهور لجوا مع اول صدا=وان كان ما تقرا كتاب الله تحملت الاثم
لا والله الا معثيٍ بكبارها قدم الجدا=وانته تعاين بالعيون اللي عسى ما تنلطم

أثرك صدى وأنا أحسب انك من بعيدين المدى=احسب حساب الكلمه اللي خطها راس القلم
أنته تطمع بالعشا وأنته من حساب الغدا=وان قلت لي أحلف قسم.. ماني بقايل لك قسم..!

الله الله



طاروق وشعار من الوزن والعيار الثقيل



واصلوا ياشعار

ماهي غريبه لو يجينا من طرفكم منقدا=أهل الاباعر ما يعاندها ياكود أهل الغنم
ان كان جوكم يالعتيبي لا تطب المسجدا=صل الصلاه فمرقدك والصبح سلم واستلم

من مد نص الكف .. انكيل له كيل العدا=هذي عوايد ربعي اللي طيبهم طيب الشيم
اقول لك هرجه تسمّعها ..تراها لك هدا !!=الاربعه ما سدتك لازم نتمّمها تمم ؟!

ربعي وربعك كلبوهم فالمواقف ..مبتدا=لو الشجيع اللي عيونه شوفها دايم قدم
الأربعه لو انها من فعلكم قلنا فدا=مار الدعيع خابرينه حارس ..ألا فالقدم