الايام تجري جري والحول قافي حول = والارزاق تبعد ديرة الحي عن حيه
تغيرت يالروقي ..علي ماهو بمعقول ! = وانا عارفك مظبوط ياخبزة ايديه

هلا مرحبا يالصاحب الغايب المشغول = مهد الصعاب اللي تنومس مساعيه
تذكرتني .. يالله عسا منته بمشلول = علشان اضهر منك تسعين سكنيه

وراك تجاهلني على الهاتف المحمول = غير الدق مرسلك رسايل بريديه
نغني طرب واهل الطرب حملها مزمول = ودروب الوفا لهل الوفا شبه عفويه

ابد ماتجاهلتك لو تدق لي ( مس - كول ) =وانا كم لك دقيت ياطيب النيه
طرى ماطرى والحال مبني على المجهول = ولاتندمح هذي علشان هذيه

الاعذار حولا منك لو ماعيونك حول = وقر بخطاك وخل روحك رياضيه
لكن يااقحطه جنب عن حسين بن عاقول =يابا النعل وشلك في حسين وجواتيه

عسا الله يجيب السيل ياسدرة الغرمول = لاجا للرعد حنه وللبرق لاحيه
(يادرب الزلق) يامسوين لبن روق الدول = يبيها يبيها واعرست من بناخيه

ليا صار عذرك عندنا يافهد مقبول = فلا عاد تاخذك اللحون الشماليه
ترى الروم في روما والاتراك فاسنطبول = وانا وانت تجمعنا البلاد السعوديه

غلبتك ثلاث اقوال ماجبت فيني قول = هزيمة موده والمباراه وديه
مثل مالعرب فانجلترى تفقد المعمول = فقدناك وانته فالديار الخليجيه

معك حق يزعلك اتحاد العرب ياغول = لكن لاتدخل فالامور السياسيه
انا ماضرب الميت ولااطلق على المقتول = ولا حنشل الحنشل ولا اسرق حراميه

اجل خلها بالمسك والعنبر المكمول = وانا بعتبرها منك حصه خصوصيه
على العهد الاول ماتغيرت والمدلول = كلام الرجال اللي تجمل معانيه