سلام الله سلامن فيه ريح الورد واليشموم= سلام محارب الزله حماه الله من الزله
وانا شاعر بعد غيبه طويله جيتكم معزوم= على الله ناجد اللي يضبط الفنجال والدله

هلا يا مرحبا واللي يبا الطيب يزيد السوم=يميز يالمحارب بين دق الهرج من جله
وانا شاعر ليا مني لقيت الشاعر المحكوم=احرر وضعه واما نفع اكب الوضع له كله

يدوم الك البقا واللي بقا للعارفه مرسوم=عسى من يعرف السكه يشوف الدرب ويدله
الا ياساطي اسمع والعرب لا تلحقك بالوم=على شان المطبه لو تجيها صابتك خله

اثرك تجاهد العالم وفي صدرك خبر وعلوم=تلخبط بين قانون القدم مع لعبة السله
تجنب سهمنا واحذر ترانا سهمنا مسموم=ليا صابك تشهد يا عسى تدفن على المله

انا بنشدك ياساطي عساك محصل المقسوم=من اللي صار في نكبة زعيم القوم بشله
تهددنا بسهمك وانته بسهم العرب ماسوم=الا واحليل ساطي ياعرب مايدخله ذله

تلف علومك تحسبها تبي تدخل عزيز القوم=حطبك اصبح رماده ثم رحت تجمع الجله
حرقت اعصابه وعصب واثرني ماني بملزوم=وتوي اكتشفت اني مقابل شاعر(ن)فله

اعلومنا بالطيب يومك بالردى جبت العلوم=وانكان ترضى المزهله ماني براضي مهزله
يالعله الصرما على راسك تداويك النجوم=لاصار في راسك صداع اتجي عليه محوله

يا محارب الزله نعالجها على وجه العموم=يومنها لك مشكله ولا تدري وين المشكله
ليا صار في راسي صداع انفض جناحي ثم احوم=حر يدور للعشاء وان صاد صاد المرجله