لعنا بليس وطاح عشره من الجن = وخمسه ضمناهم عمود وزوايا
ياناصر تفضل قدمنا واحمس البن = وقرب دلالك قدمك اربع سرايا

ياسلطان من زود المعرفه تفنن=لكن القلوب تعيش خلف الحنايا
ترى العين فيها عين والسن بالسن=ياسلطان ماتعلم خفي النوايا

اشوفك تطب السوق تحمل مية طن = وممكن نعدك من كبار الغنايا
سحابٍ واله عامين خلته ولا دن = وانا اعوذ بالله من عظامك عرايا

تراني بعيرٍ كان ماهدر ماحن=ولا أهاب فالميقاف حتى المنايا
من أنته؟ لجل قدامنا تبدي الظن=دخيلك دخيلك فالعمي والصمايا

كلام الجلاه يدل كنه تمدن = ولاعاد يونس لو تزود الكوايا
ياليت الجمال اللي مصادير يردن = لعله يحصل من بعيره شوايا

ابن روق لو نلوي ذراعينه يون=ولكن حشمت طيبين المزايا
جمالٍ على دارك عشيه توطن=مركد لهن فالدرب انا وبعصايا

بغيناك معنى وابتدت لعبت الزن = خطير الحرار تصير عندك شوايا
تلعثمت فالطاروق واقول شكرن = هنا الارض ارضي والسما هي سمايا

المشاركة الأصلية كتبت بواسطة سلطان الحافي (المشاركة 625438) بغيناك معنى وابتدت لعبت الزن = خطير الحرار تصير عندك شوايا تلعثمت فالطاروق واقول شكرن = هنا الارض ارضي والسما هي سمايا