مرحبا ردت ن تسوى كلام ن كثير=من هجوس ن تغني بالبيوت الجزال
ابتدينا عسى الموضوع يبدا بخير=والعلوم التوالي مالها الا الرجال

البقا يالمرحب عالسلوم المسير = وخلهم يحكمون بنقص ولا كمال
ابتديتم عسى بدروبها انته خبير = سرها وغير ضده جيته لك محال

يالعويفي تركد وانتبه لا تطير=الحموله ثقيله مير وين الجمال
اسمع العلم ياجعلك حليم وبصير=احتزم بالجزيله وكب عنك الهزال

العويفي على غير السنع مايسير = محتزم مير ما شاف الحمول الثقال
لا تضيع الليالي طير ياطير طير = جعل راعيك ياتينا ومعه البدال

العويفي يحسب البحر مثل الغدير=ما نشوف الهبايب ما نشوف الخيال
طيع شوري لعلك قدمنا تستخير=قبل اسل السيوف الي تحل الجدال

ان بغيت البحر سباح ولا بحير = والرعد تسمعة والبرق يمك يمال
ظل سيفي شمل راسك وهو مستدير = وخصمك اللي يدير ولالك الا الظلال

رحت كلك بلاوي يالزمان الاخير=نظرتي بالجنوب ونظرتك بالشمال
انت سيفك عوج وأظن ثوبك حرير=والهبايب تهب ولا تهز الجبال

بلوتك كانها مدفونة وسط بير = حط فيها علامة ياعساها تشال
فيك ظن وحيد ولابك ظنون غير = انت في وسط خديها ولالك مجال

احسب انك غناوي وثر حظك فقير=يالعل الدواوين الحديثه تزال
طافت الاوله والثانيه زمهرير=شغل العقل وظنك تشوف الهوال