بعد غيبة ياسلام الله على ماقع عتيبة = حاويٍ طيب القديم وحاويٍ جزل الجديدي
جيتكم والبال صافي والحمل فوق النجيبة = ياعسى الطارف يجيب النقض والراي السديدي

بعد غيبه بالنيابه مرحبابك بعد غيبه=واسمحولي يارجال العرف في مبدأ قصيدي
جيت انا وياك يالحربي وجيب اللي تجيبه=واعتبر يوم اللقاء هذا من الايام عيدي

البقا يابن مطير نيابتك ماهي غريبة = لو شبابة غير خنذف مابها نقصٍ وزيدي
بانشدك عن مهر بنتٍ كل خلق الله دريبة = ولاتزوجها كفو من شان واليها عنيدي

كل طيب ياوسيع المعرفه يكفيه طيبه=وانت في عالم حضاري للقريب وللبعيدي
البنادم ماله ألا مايحوّش له نصيبه= خلها تذب الخرايم لاتلويها بالايدي

الحضارة يبست كبدي وانا في وسط طيبة = والنسب مثل السند ينفعك لن كانه حديدي
البلا ماهو نصيبٍ يالمطيري نرتجيبة = البلا ظلمٍ يشيب روس فرسان العبيدي

انت جهزت الكفن لكن ابا اجيب النصيبه=ويش اسوي فيك دامك مانت عارف ويش صيدي
مانت لاحاكم ولاعالم ولا قايد كتيبه=اترك امر الخلق للخالق ترا مانت بوحيدي

مالحقني يالمطيري بالهدف شكٍ وريبة = والهروج الناكسة ماني لها وانا رشيدي
لوتركنا لله الدعوة بسيطة او صعيبة = قال ربي بالسبب نعطي يبو عقلٍ فريدي

انت ذيب ٍ كل يوم ايجر صوته بالجذيبه=مار في داجي خلا والبدو قاصيها الشديدي
لا تجيب لرأسك المحلوق ياعوفي مصيبه=الهوا الغربي وحيفه يصفق بخضر الجريدي

المشاركة الأصلية كتبت بواسطة العـوفي (المشاركة 620462) صح لسانك اخوي بدر المطيري وتشرفت بك طال عمرك واستأذنك عندي دوام بكرة وتصبح على خير انت ومتابعينا الغالين