قصيده للشاعر مرير الحبيل قالها في احدى الفتيات التي كانت تتحدث على جهاز الكنود
 

هذه القصيده للشاعر مرير بن عبدالمحسن الحبيل الحمادي

قالها في احدى الفتيات التي كانت تتحدث على جهاز الكنود ( ايام الكنود وموضته ) .
المهم الرجال الظاهر انه نصحها كم مره لكن ماعطته وجه.. وسمع مرة صوت ولدها عندها.. وعرف انها متزوجه
[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يابنت قلبـك يفعـل العيـب مـا حـس=وان ما هداه الله عسـى الله يخسـه
يكفـي غـزل للنـاس ياخايـنـه بــس=خـلـي حـلالـك قـفـر لأحــد يعـسـه
أبليس لك يابنت في الشر وسـوس=تــعـــوذي بالله لــعــلــه يــخــســه
الستـر لـه ثــوب مــن الـعـز يلـبـس=وجسم الشرف ما كل رجل يجسـه
عــار ونــار مـذهـب البـنـت يلـمـس=وعـرض المـره ادنـاة شـيء يهـسـه
يابنـت عـرضـك بالمجـالـس يـدنـس=حـدر النصايـب جعـل ربعـك تـدسـه
ولا جايـك الا مثـل مـا قيـل واخــس=واللـي شرفهـا غـالـي مــا نمـسـه
يـاورع ياللـي عندهـا بـان لـك حـس=قلبـك علـى امـك يـوم خانتـك نسـه
امـك تغـازل مـن ورى ابـوك بالـدس=والله مـــن رجـــل تــلــذذ بـحـســه
قله تراخـي الحبـل يحتـاج لـه مـس=وعـلـم لأبــوك الحـبـل لازم يمـسـه
ولا يـشـيــل الـعـارلاعــاد يـجـلــس=في وسط بيت عاش ما فيـه هسـه
قلـه يجـوز عـن النجـس لا يتنـجـس=ثــم يقلـعـه يالـيـن يـقـلـع مـرســه
ولا تلحقونه مـن حسايـف ليـا طـس=عـسى العمى في نون عينه يطسه
[/poet]

الاخ نهار

القصيده

للشاعر الكبير/ مرير بن عبدالمحسن الحبيل الحمادي


وهي مشهوره جدااا


وليست للشاعر /غازي بن عون


ولللمعلوميه فهي مسجله على اشرطه

والشاعر مرير من الشعراء اللذين يستخدمون جهاز الكنود

بمنطقة الرياض من بعد الساعه التاسعه مساء بالاسم (نجد)

لمن اراد الاستماع لقصائده


ولللجميع مني التحيه والاحتررام

قصيدة معروفة...

لكن يجهلني قائلها...

لذلك نرجوا منكم أن ترسوا بنا على بر!!

وأياً كانت له القصيدة ...

فمادامت لعتيبي ...
فتنقل لقسم شعراء عتيبة...


تحياااااااااااااتي.

الصحيح ماقاله الاخ / ذياب المرشدي
القصيدة لمرير الحبيل
اخوي نهار يرجاء تعديل العنوان. على مسؤوليتي 10000000 %

تحياااتي

مشكوووووور وماقصرت يا أخ نهار

القصيدة للشاعر الكبير/ مرير بن عبد المحسن الحبيل، وهو غني عن التعريف والشاعر غازي بن عون أيضاً غني عن التعريف وكلا الشاعرين عينان في رأس ولاكن هذه القصيدة للشاعر مرير الحبيل وردوا العلم عني...
والشكر للجميع.

لماذا لايغير العنوان

الللي نسب الكاتب فيه القصيده لغير صاحبها

وحنا ندري ان الكاتب غلطان وهو معذور

ولكن المراقبين لماذا لايقومون بتغيير العنوان

مشكور يالغالي

تم تغيير عنوان القصيدة
والقصيدة كما ذكر الاخوان للشاعر مرير بن عبدالمحسن الحبيل الحمادي

عزالله انها قصيدة جزله من شاعراً جزل................

بيض الله وجيهكم ياعيال العم......

والكنــــــــــود الي تقولون عليه ذا ..... وش يصير !!!!!!!
(( أول مرة أسمع فيه ... والمصيية يقولون ان عصره انتهى )) !!!!

هذا يالبناخي ال ايكم , مثل جهاز الشرطة , ويستخدمونه اهل البر والقنص , وغريبه يالبناخي انك ماتعرفة , شكل وقتك كله في المكتبات وقرأت الكتب , ارحم نفسك شوي (( ولبدنك عليك حق )):D

انا ياخال مالي ومال مقانيص البر ... وصلاتي بالبر والبادية مقطوعة من زمن الزمن ... حتى الديرة ... صدقني ياخال لو اروح الها محدن يعرفني !!!!!

كنت اظن القصيدة لـ بن عون
على اي حال خطاء غير مقصود
شكرا لكم جميعا على التصحيح والمرور الكريم

هلابك يانهار
 

وسواء القصيده لمرير او لغازي فاظن المعنى واحد
كلهم فطاحله فالشعر
والقصيده لمرير
وابو ياسر صحيح انه يطلع على الكنود واكثر من مره قابلته على الجهاز
وتشرفت بمراسلته
وتقبلو تحياتي

صح لسانك ولسان الشاعر مرير الحبيل

مشكور وماقصرت

نعم هي لمرير الحبيل والنعم

بارك الله بك , شكراً أخي الكريم