بسم الاله الفرد علام الخفايا والنجوم = يا محمد الروقي يجيك السيل ..والساري سرا
اليوم انا ماني مدافع صرت بالمرمى هجوم = ماني من اللي يرغب التطبيل .. والساري سرا

بسم الله المعبود نبدا ذكرنا على العموم = والسيف اسله لاركبت الخيل والساري سرا
احسب حسابك يالمهاجم وانتبه قدم القروم = وهات العلوم اللي بلا تظليل والساري سرا

موضوعنا يا صاحبي خليته الليله يزوم = موضوعنا مدفون عند الذيل؟ ..والساري سرا
الغيمه اللي فوقنا ياصاحبي دايم تحوم = الله يعين الليله الطربيل ..والساري سرا

عادتك يامورخ ماتتركها تحثّل فالعلووم = وعلومك اللي معك قال وقيل .. والساري سرا
وضح رسومك فالخرايط لاتلخبط فالرسوم = ثم صبلي فنجال بن وهيل ..والساري سرا

يا صاحبي انا المحيط اللي غشى ضرب السموم = الله يجيب الصاحب الحلحيل .. والساري سرا
منته بقد الضرب لا صار المعاند بالخشوم = ابي اصب الدمع بالمنديل .والساري سرا

ان كانها هوش وتحدي فانت قدامي مهزوم = حنا على الاخصام نار وويل والساري سرا
انته تجيب النا علومً ماتلبّسها هدووم = مانته بمثل الجدي والّا سهيل .. والساري سرا

ياللي تهايط بالخلا خل المواشي واللحوم = انشهد اني ما عرفت الميل .. والساري سرا
وكل الليالي الموحشه يا علها عندك تدوم = صل الفرايض وأرتجف بالحيل ..والساري سرا

حنا نعرف اللي دعا له دعوه ابليا لزوم = عين العمى ماتبصر ولاتخيل والساري سرا
ياليت صاحبنا مورخ يستريح امن الهموم = تسري علاه اهموم تال الليل والساري سرا

الصلح خير من العلوم الخامده واللي تقوم = ماني مزود ثقلها والكيل..والساري سرا
واختامها اشهد بانك كايف وتعرف تعوم= نبي نشب النار بالقنديل ..والساري سرا

الله يبارك فالرجال اللي يعرفون السلوم= اللي لهم حيلً يهد الحيل والساري سرا
اختامها ماني بظالم حظك ولاني ظلوم = والله يقبح وجه كل بخيل ..والساري سرا