ربي مميز نادي النصر فالكون=الشمس صفراء والسماء دوم زرقا
مطابقه بالوصف والفعل واللون=مهما تغيب تعود تسطع وتبقا
له ماضي(ن) كل البشر عنه يدرون=وله ماضي(ن) أصفى من الغير وأنقا
أصدح بها وأقول وأنتم توّحون=له ماضي(ن) مثبوت ماهوب سرقا
وله عادت(ن) مهما يغيب ويقولون=دايم بناره يحرق الخصم حرقا
ياما عطانا أمجاد ولحون وفنون=(( يطرب لها فوق الغصن طير ورقا ))
وإذا نزل كل الجماهير يقفون=رمز الوفاء مابينهم شبه طرقا
جمهورهم ذويق واعي ويوفون=على الحلو والمر في كل ملقا
لا والله إلاّ عاد وإبليس ملعون=ونبا نشوف أفراح (وحلوق شرقا)
ويوم الربوع إن كان عشتو تشوفون=العالمي فوق المنصات يرقا
يبا يسر عيون ويبكي عيون=وتشوف بعض الناس بالدمع غرقا
ويعود فارس نجد والحب مكنون=ويسطع شعاع الشمس غرب(ن) وشرقا
وموج البحر من ضربة الشمس مضمون=ومابين عالِ الكون والقاع فرقا
ولاهي غريبة نصرنا اليوم موزون=مادام فيهم نسل روق(ن) وبرقا

المشاركة الأصلية كتبت بواسطة معجب العتيبي (المشاركة 606814) شاعر وجزل وصح لسانك الاخوه اللي مروا هنا المفروض التعليق على القصيده ماله علاقه بالانديه والا افتحوا موضوع بالرياضي صح لسانك

المشاركة الأصلية كتبت بواسطة معجب العتيبي (المشاركة 608321) عزالله اني نصحتكم وقلت خلوا التعليق على الصوره وخلوا الأنديه هههههههههههه