|
هنا نقدم الشكر لقبيلة عتيبه ربعنا ( شبابه ) .. بإسم حرب ...
السلام عليكم ورحمة الله وبركاته ... أتقدم بالشكر الجزيل بالنيابه عن قبيلة حرب لكل من دعم شاعر قبيلة حرب بدرالظاهري في برنامج شاعر المليون بالتصويت او بالدعم المعنوي ., يعجز اللسان عن تقديم الشكر الذي يليق بقبيله مثل عتيبه .. ولكن هذا اقل مانقدمه لكم وعسان نرد لكم الجميل والله يعيننا على ذلك .,., |
العفو يالغالي بدر وحرب اهلنا وربعنا
ويستاهلون كل خير غالين والله. الله يوفق بدر بيض الله وجهك على هالشعور يالغالي.. |
يعطيك العافية
تستاهلون والله كلنا اخوان تجمعنا المحبه والاخوه الله يوفق بدر لك التقدير و الاحترام |
البعض يقول أن قبيلة عتيبه هي القبيلة التي وقفت بقوه مع قبيلة حرب بصفه عامه وبدر الظاهري بصفه خاصه.. وهذا مايميزها عن القبائل الأخرى..
عندما دعمنا الشاعر بدر الظاهري سواء مادياً بالتصويت.. أو معنوياً بفتح قسم له وتثبيته.. فنحن لم ننتظر شكر من أحد.. دعمنا للشاعر بدر الظاهري هو بسبب معزتنا وتقديرنا لكل حربي وتقديراً للشعر والشعراء أيضاً.. هذا واجبنا كـ عتبان أن ندعم قبيلة حرب الغنيه عن التعريف والتي نكن لها كل حب وإحترام.. تستاهلون ياحرب كل خير.. |
هلا يابدر الحربي
مشاعرك الوفية وشعورك الطيب تشكر عليه وهذا لا يستغرب منك ومن أبناء حرب فهم اهل للوفاء والطيب والعلوم الغانمة و تأكد يالغالي أن دعم أبناء قبيلتنا لشاعر حرب في برنامج المليون لما نكنه في صدورنا لهم من معزه وحب فنحن وأياهم بيننا روابط الجيرة والمصاهرة والتاريخ المشرف بيض الله وجهك يالغالي تحياتي أخوك فيصل النفيعي |
بدر انتم تستاهلون أكثر من التصويت
وانتم ياحرب عزيزين علينا وغالين ولا يستغرب الوفا والطيب والعلوم الجزله والجيرة الطيبة من قبيلة هي أهل الصفات الحميده قبيلة حرب (حرابة الدول) تقبل تحيات أخوك / خالد العتيبي |
ماسوينا الا الواجب وحنا وانتم شي واحد وعسا الله يوفق بدر |
والله ياحرب انكم تستاهلون الطيب !!!
والله ثم والله ثم والله انكم اعز البشر عندي انتم وزهران بعد ماشفت العام في المدينه يوم صارلي حادث سير شفت نبل ورجوله مخطط الحادث وصاحب التاكسي الي وداني للمرور عيا عن الحساب يوم دري اني اعتيبي وشاف وشهامتكم وحبكم لعتيبه العميق والله انكم تاج يالغالي موفقين من القلب يالغالين |
...
. الاخ العزيز بدر الحربي شكرك دليل على نبلك ... ونحن لم نفعل الا ماتمليه علينا مواجيب الرجال ... لايمكن ان ننسى موقف حرب الفعال معنا في النسخه الاولى مع يوسف يوم ان اتى وقت الجد وكل طيّب يظهر طيبه .. لاننسى الكاتب القدير راع العرف والذي افتقدناه بمؤازته الفعاله بمواضيعه ومداخلاته وقصائده الجميله .. نسأل الله ان يجعله بصحه وعافيه وان نرى عودته الغاليه قريباً ... ولا ننسى وقفت زهران وشمر ويام وكل القبائل العظيمه ... ففي كل قبيله حقها من الطيب ولا على عيال الحمايل زود ... بدر وناصر وعيضه اسماء لها بقلوبنا كل الحب والدعوات الصادقه بأن لايخرج البيرق عن احدهم ... ... والسلام .. |
تسلم والله ياعبدالله الجذع وهذي عوايد عتيبه العلم الغانم وبيض الله وجهك على ردك المحترم يالقرم .. |
اقتباس:
جمال النفيعي لاهنت يالغالي .. وتستاهل الطيب يالقرم ولاهو غريب عليك وانت من عتيبه كفو وماقصرتوا .. تحياتي وتقديي .. بدرعيد .. |
اقتباس:
هلا وغلا خلف القرم .. نعم انتم دعمتم بدر معنويا ً وماديا ً ولم يكن هدفكم الشكرمن احد بل تعتبرون هذا واجبكم ., ونحن قبيلة حرب نشكركم لاننتضر شكر بل نعتبر هذا واجبنا لقبيلة عتيبه اقرب القبائل لحرب وحنا شبااابه ربع واقارب وانساب ويشهد الله اننا نقدر عتيبه قبل شاعر المليون بسنين بل منذ نعومة الاظفار والطفوله تربينا على ذلك .. وتستاهلون الشكر واقل مانقدمه لكم هو الشكر .. تحياتي وتقديري .. بدرعيد .. |
اقتباس:
هلا والله بفيصل النفيعي ., وكل كلامك على العين والراس وماقصرت والله ونحن نبادلكم الشعور ذاته فعتيبه وحرب عينين في راس وحنا شبابه على الخير والشر ونكن لبعضنا الحب والتقدير منذ الازل وبيننا اكبر من كذا وهي الارتباط والمخوَل والجيره والاخوه الصادقه .. وقد تربينا على حب هذه القبيله كافه وتقديرها ولاتهون باقي القبائل والعوائل .. تحياتي وتقديري .. بدرعيد .. |
اقتباس:
ماعليك زود يالبرقاوي وعتيبه اعز القبائل عندنا وحنا وعتيبه رفاقه منذ الازل , وليس غريب هذه المحبه بين حرب وعتيبه لتقارب الطباع والتجانس والنسب وكل شيئ لاهنت والله يوفقك لما يحب ويرضى يالقرم .. تحياتي وتقديري .. بدرعيد .. |
| الساعة الآن »10:04 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd