الهيـــــــــــــلا *** منتدى قبيلة عتيبة
صفحة 1 من 2 1 2
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   سلــــطـــان بن وســـَّــــام (http://www.otaibah.net/m/showthread.php?t=66352)

كبتن عتيبه 26-Mar-2008 10:43 PM
سلــــطـــان بن وســـَّــــام
 
سلطان الجذع:- استلم

ياسلطان الجذع ليتك مثل سلطان بن وسَّام=لو إن الهاجري مافيه مثله فالسعوديه!!
تحلّم ياولد عسَّاف مادام الحياه أحلام=ولا تاخذ من الاحلام لو( 1%) واحد من الميَّه!!

سلطان الجـذع 26-Mar-2008 10:57 PM
هلا هلا

يسيرن الركايب يالعتيبي والوعد قدام = ولاتعلم لو أني بعد بكره جيت لك زيه
مادام ان الحياه احلام ...تدري مقبل الايام =والا يالله من جزل العطا لاتخلي ايديه

خالد المقاطي 26-Mar-2008 11:10 PM
الله الله



يالكبتن


ابدااااع وتجديد غيـــر


لله دركــ



سلطان الجذع ( الاسطوره )

والله ماتوفيك حقك الاسطوره




يسيرن الركايب يالعتيبي والوعد قدام
ولاتعلم لو أني بعد بكره جيت لك زيه



الركايب واصله على الحراااام :)



مبدع مبدع




متابع




:)

سلطان الجـذع 26-Mar-2008 11:13 PM
خالد المقاطي

لكـ كل الشكر على تواجدك المهم

والركايب واصله مايحتاج :)

تركي البرّاق 26-Mar-2008 11:19 PM
ياسلام .. سلم ..,,

صحت الالسسسن واصلوا ونحن هنا للاستفااااده :)

كبتن عتيبه 26-Mar-2008 11:20 PM
ياسلام ياسلام

ياعنك إنَّا طمعنا في علومك قبل عام العام=وخرَّبت نيَّتك..وأنته من أول صافي النيَّه!!
لو أنك تعتذر قلنا رفيق ..وللظروف أحكام=لكن أنته على العتبان فرَّحت الحسوديه!!

كبتن عتيبه 26-Mar-2008 11:26 PM
خالد المقاطي/تركي البراق


مرحبا يالغالين


تواجدكم اهم شي

سعود العصيمي 26-Mar-2008 11:29 PM
ياسلطان الجذع ليتك مثل سلطـان بـن وسَّـام
لو إن الهاجـري مافيـه مثلـه فالسعوديـه!!
تحلّـم ياولـد عسَّـاف مـادام الحيـاه أحـلام
ولا تاخذ من الاحلام لو( 1%) واحد من الميَّه!!


كبتن عتيبه


صح لسانك مليوووون على الجزاله غير المستغربه


وعليك بالجذع ولو انه صحيبي




يسيرن الركايب يالعتيبي والوعـد قـدام
ولاتعلم لو أني بعد بكره جيت لـك زيـه
مادام ان الحياه احلام ...تدري مقبل الايام
والا يالله من جزل العطا لاتخلـي ايديـه

ياسلالالالالام سلم

صح لسانك يالاسطورة

واصلوااااا متابعين للابداع

معجب العتيبي 26-Mar-2008 11:30 PM
الليل الليل

تعجز الكلمات عن وصف مايحدث
فالابداع موجود والكلمه الجزله موجوده

سلطان الجذع يستحق ان يكون كأبن وسام وزياده

والكبتن لايقل مستوى عن ذالك

سجلوني متابع

سلطان الجـذع 26-Mar-2008 11:45 PM
ياعنك انا طمعنا بك نقول الفارس المقدام =وتال الوقت وانته حي قلنا فيك مرثيه
على ماقال مطلق (((مانبا الفرقه تروح اقسام)))=وانا مااخطي ولااواجه هل الحسنات بالسيه

سلطان الجـذع 26-Mar-2008 11:46 PM
سعود العصيمي

هلا بصحيبي :)

شرفتنا بحضوركـ ياابو طايل

سلطان الجـذع 26-Mar-2008 11:47 PM
معجب العتيبي ...

يكفينا تواجدكـ المهم ...يالغالي


شكراً لمتابغتك وتوااجدكـ

كبتن عتيبه 26-Mar-2008 11:59 PM
ياسلام ياسلام

ابوك من الكرام وكل ..جدَّانك رجال إِكرام=لكن أنته بخيل..وللرخامه فيك أماريَّه!!
نشدت الاد روق وقالوا ..الاَّ جدّ ما تنلام=هذا اللّي صار وأنته لاتضيق ..وتلتفت فيّه

كبتن عتيبه 27-Mar-2008 12:00 AM
سعود العصيمي/معجب العتيبي



لاهنتم على تواجدكم الرائع

معجب العتيبي 27-Mar-2008 12:06 AM
هذا والله الهجاد

ياكبتن انا ماصدق اللي قلته ابد


هذا سلطان ويوريك الشغل هالحين

متابع ومعكم للفجر

كبتن عتيبه 27-Mar-2008 12:10 AM
يامعجب العتيبي


هذا من نسج الخيال...عاد لاتصدق انت؟؟

هههههههههههههههد

سلطان الجـذع 27-Mar-2008 12:17 AM
ههههههههههه
ترى والله مالومك من زمانك ضايق ومنضام =مااحد مكرمك وانت تشيل خرجٍ داخله حيه
نسيت العام يوم انك بدربي تزرع الالغام =بغى ميراث ابوي يروح في يدين الحراميه

معجب العتيبي 27-Mar-2008 12:26 AM
كبتن عتيبه

ياسلطان الجذع ليتك مثل سلطان بن وسَّام=لو إن الهاجري مافيه مثله فالسعوديه!!
تحلّم ياولد عسَّاف مادام الحياه أحلام=ولا تاخذ من الاحلام لو( 1%) واحد من الميَّه!!


سلطان الجـذع

يسيرن الركايب يالعتيبي والوعد قدام = ولاتعلم لو أني بعد بكره جيت لك زيه
مادام ان الحياه احلام ...تدري مقبل الايام =والا يالله من جزل العطا لاتخلي ايديه


كبتن عتيبه

ياعنك إنَّا طمعنا في علومك قبل عام العام=وخرَّبت نيَّتك..وأنته من أول صافي النيَّه!!
لو أنك تعتذر قلنا رفيق ..وللظروف أحكام=لكن أنته على العتبان فرَّحت الحسوديه!!


سلطان الجـذع

ياعنك انا طمعنا بك نقول الفارس المقدام =وتال الوقت وانته حي قلنا فيك مرثيه
على ماقال مطلق (((مانبا الفرقه تروح اقسام)))=وانا مااخطي ولااواجه هل الحسنات بالسيه

كبتن عتيبه

ابوك من الكرام وكل ..جدَّانك رجال إِكرام=لكن أنته بخيل..وللرخامه فيك أماريَّه!!
نشدت الاد روق وقالوا ..الاَّ جدّ ما تنلام=هذا اللّي صار وأنته لاتضيق ..وتلتفت فيّه

سلطان الجـذع

ترى والله مالومك من زمانك ضايق ومنضام =مااحد مكرمك وانت تشيل خرجٍ داخله حيه
نسيت العام يوم انك بدربي تزرع الالغام =بغى ميراث ابوي يروح في يدين الحراميه

سعود العصيمي 27-Mar-2008 12:28 AM
مازال الابداع مستمر


لله دركم

كبتن عتيبه 27-Mar-2008 12:30 AM
ياسلام ياسلام..

أنا ويّاك صحبتنا عليها أشارة أستفهام؟ = مثل صحبة حبيّب مع صحيبه فيصل العيّه!!
وقفنا معك وقفه ماتبى حبر و ورق وأقلام=تسجَّل فالقلوب اللّي من الايام مكويّه!!

معجب العتيبي 27-Mar-2008 12:34 AM
والله الصحبه المبروكه ههههههه

ممكن احد يصاحبني مثل فيصل وحبيب؟

مبدين ياشعارنا الليله مبدعين

سلطان الجـذع 27-Mar-2008 12:40 AM
مجنون هههههههه

منول حاسبك في ساعه الشده ذخر وحزام =وعلّيه رحت تجمع نص برقا والعطاويه
وقفتوا مار ماقفكم معي هاك السنه مادام =حصل في صفكم يااهل الحجاز علوم سريه

كبتن عتيبه 27-Mar-2008 12:54 AM
الله الله

أنا كيف أمنك وأنته صحيب الشيخ ابو عرَّام=وابو عرَّام يلعبَّك هناك.. ويضحك هنيّه!!
لو أنّك تقفل البيبان وتزيد اللحام الحام=يجي لك يوم وتقول أنت وينك يابناخيه!!

سلطان الجـذع 27-Mar-2008 01:12 AM
ههههه

ابو عرام وفر لي مناخ أكفل به الايتام =واله مني علوم الطيب مربوعه ومثنيه
والا ياكبتن عتيبه قبل تعلب بك الاوهام =تحت هيبه لحانا فالزمان (البنت مرعيه )

معجب العتيبي 27-Mar-2008 01:22 AM
كبتن عتيبه

ياسلطان الجذع ليتك مثل سلطان بن وسَّام=لو إن الهاجري مافيه مثله فالسعوديه!!
تحلّم ياولد عسَّاف مادام الحياه أحلام=ولا تاخذ من الاحلام لو( 1%) واحد من الميَّه!!


سلطان الجـذع

يسيرن الركايب يالعتيبي والوعد قدام = ولاتعلم لو أني بعد بكره جيت لك زيه
مادام ان الحياه احلام ...تدري مقبل الايام =والا يالله من جزل العطا لاتخلي ايديه


كبتن عتيبه

ياعنك إنَّا طمعنا في علومك قبل عام العام=وخرَّبت نيَّتك..وأنته من أول صافي النيَّه!!
لو أنك تعتذر قلنا رفيق ..وللظروف أحكام=لكن أنته على العتبان فرَّحت الحسوديه!!


سلطان الجـذع

ياعنك انا طمعنا بك نقول الفارس المقدام =وتال الوقت وانته حي قلنا فيك مرثيه
على ماقال مطلق (((مانبا الفرقه تروح اقسام)))=وانا مااخطي ولااواجه هل الحسنات بالسيه

كبتن عتيبه

ابوك من الكرام وكل ..جدَّانك رجال إِكرام=لكن أنته بخيل..وللرخامه فيك أماريَّه!!
نشدت الاد روق وقالوا ..الاَّ جدّ ما تنلام=هذا اللّي صار وأنته لاتضيق ..وتلتفت فيّه

سلطان الجـذع

ترى والله مالومك من زمانك ضايق ومنضام =مااحد مكرمك وانت تشيل خرجٍ داخله حيه
نسيت العام يوم انك بدربي تزرع الالغام =بغى ميراث ابوي يروح في يدين الحراميه


كبتن عتيبه

أنا ويّاك صحبتنا عليها أشارة أستفهام؟ = مثل صحبة حبيّب مع صحيبه فيصل العيّه!!
وقفنا معك وقفه ماتبى حبر و ورق وأقلام=تسجَّل فالقلوب اللّي من الايام مكويّه!!


سلطان الجـذع

منول حاسبك في ساعه الشده ذخر وحزام =وعلّيه رحت تجمع نص برقا والعطاويه
وقفتوا مار ماقفكم معي هاك السنه مادام =حصل في صفكم يااهل الحجاز علوم سريه


كبتن عتيبه

أنا كيف أمنك وأنته صحيب الشيخ ابو عرَّام=وابو عرَّام يلعبَّك هناك.. ويضحك هنيّه!!
لو أنّك تقفل البيبان وتزيد اللحام الحام=يجي لك يوم وتقول أنت وينك يابناخيه!!


سلطان الجـذع

ابو عرام وفر لي مناخ أكفل به الايتام =واله مني علوم الطيب مربوعه ومثنيه
والا ياكبتن عتيبه قبل تعلب بك الاوهام =تحت هيبه لحانا فالزمان (البنت مرعيه )

كبتن عتيبه 27-Mar-2008 01:23 AM
ياسلام ياسلام...

ترى شرباً على يدين الرجال يجيك بالاندام =لو أنَّه مانلوم اللَّي يده من خلف ملويَّه!!
تحبَّ البنت.. مير الناس ترمي يمّها الأرقام=تغازلها ياسلطان المجنن والحونشيه!!

سلطان بن ثعلي 27-Mar-2008 01:31 AM
كبتن عتيبه

سلطان الجذع

كبتن عتيبه

سلطان الجذع

صحت الالسن وبيض الله وجيهكم ياشعار هذا المنتدى الكبير

والليل الليل واصلوااا ياعمالة الشعر واساتذتة وسجلوني متابع لكم

ولتعم الفايدة للجميع ....

ولكم تحياتي وتقديري

سلطان الجـذع 27-Mar-2008 01:36 AM
تبادل منفعه والطيب اللي مع رفيقه قام =عسى ربي يبارك في رجال تحتمي الهيه
هي اللي بين خلق الله بغتني والغرام هيام=ولا للناس حيله حبلها مملوك في يديه

سلطان الجـذع 27-Mar-2008 01:38 AM
سلطان بن ثعلي ...هلا مرحبا

شرتنا بحضورك يالغالي

سلطان الجـذع 27-Mar-2008 01:45 AM
كبتن

تصبح على خير ياجني هههههه

والختام من عندكـ

عبدالعزيز نايف الدلبحي 27-Mar-2008 01:45 AM
ياعيني عليكم واصلوا

كبتن عتيبه 27-Mar-2008 01:53 AM
الله الله
بدينا وانتهينا يالعتيبي والسلام ختام=وموعدنا نهار السبت والعزوه عتيبه!!
ترى بعض المحبّه مثل حب الهند فالأفلام=ويازين المحبَّه كانها بعقود شرعيه!!



الاسطـــــــــــــــوره


بيّض الله وجهك وصح لسانك




واستاذنك



انت والحاضرين




تحياااتي

عبدالله الجـــذع 27-Mar-2008 03:12 AM
قمـــــه..

لاعدمناااااااااااااااكم ..

استمتعت جدا..

..

عبدالعليم سلطان الروقي 27-Mar-2008 04:12 AM
كبتن عتيبه
سلطان الجذع
صحت الالسن على الطاروق الرائع والمتميز ومشكورين ...

اخوكم/عبدالعليم سلطان الروقي

ناصر المرشدي 27-Mar-2008 09:21 AM
كبتن عتيبه

سلطان


ليت لكم كل يوم محاوره والله اني استمتع يوم اقراء بيوتكم

ابداع منقطع النضير

والله عمالقه يالاثنين

وان شاء الله ياسلطان تطلع احسن من الهاجري

عيد العازمي 27-Mar-2008 11:00 AM
كبتن عتيبه

سلطان الاسطورة




ابداع منقطع النضير

والله عمالقه يالاثنين كبار



:: عن نفسي محاورة الاسبوع المميزة وقد تكون لشهور ::

السميــــــري 27-Mar-2008 12:20 PM


محاورة فاتنا حضورها ..
لكن مافاتتنا قرائتها ..


لله دركم يالثنين ..

صح لسانك يالكبتن .. وصح لسانك ياسلطان يابعدي !
مبدعين مبدعين ..

معجب العتيبي 27-Mar-2008 01:24 PM
كبتن عتيبه

ياسلطان الجذع ليتك مثل سلطان بن وسَّام=لو إن الهاجري مافيه مثله فالسعوديه!!
تحلّم ياولد عسَّاف مادام الحياه أحلام=ولا تاخذ من الاحلام لو( 1%) واحد من الميَّه!!


سلطان الجـذع

يسيرن الركايب يالعتيبي والوعد قدام = ولاتعلم لو أني بعد بكره جيت لك زيه
مادام ان الحياه احلام ...تدري مقبل الايام =والا يالله من جزل العطا لاتخلي ايديه


كبتن عتيبه

ياعنك إنَّا طمعنا في علومك قبل عام العام=وخرَّبت نيَّتك..وأنته من أول صافي النيَّه!!
لو أنك تعتذر قلنا رفيق ..وللظروف أحكام=لكن أنته على العتبان فرَّحت الحسوديه!!


سلطان الجـذع

ياعنك انا طمعنا بك نقول الفارس المقدام =وتال الوقت وانته حي قلنا فيك مرثيه
على ماقال مطلق (((مانبا الفرقه تروح اقسام)))=وانا مااخطي ولااواجه هل الحسنات بالسيه

كبتن عتيبه

ابوك من الكرام وكل ..جدَّانك رجال إِكرام=لكن أنته بخيل..وللرخامه فيك أماريَّه!!
نشدت الاد روق وقالوا ..الاَّ جدّ ما تنلام=هذا اللّي صار وأنته لاتضيق ..وتلتفت فيّه

سلطان الجـذع

ترى والله مالومك من زمانك ضايق ومنضام =مااحد مكرمك وانت تشيل خرجٍ داخله حيه
نسيت العام يوم انك بدربي تزرع الالغام =بغى ميراث ابوي يروح في يدين الحراميه


كبتن عتيبه

أنا ويّاك صحبتنا عليها أشارة أستفهام؟ = مثل صحبة حبيّب مع صحيبه فيصل العيّه!!
وقفنا معك وقفه ماتبى حبر و ورق وأقلام=تسجَّل فالقلوب اللّي من الايام مكويّه!!


سلطان الجـذع

منول حاسبك في ساعه الشده ذخر وحزام =وعلّيه رحت تجمع نص برقا والعطاويه
وقفتوا مار ماقفكم معي هاك السنه مادام =حصل في صفكم يااهل الحجاز علوم سريه


كبتن عتيبه

أنا كيف أمنك وأنته صحيب الشيخ ابو عرَّام=وابو عرَّام يلعبَّك هناك.. ويضحك هنيّه!!
لو أنّك تقفل البيبان وتزيد اللحام الحام=يجي لك يوم وتقول أنت وينك يابناخيه!!


سلطان الجـذع

ابو عرام وفر لي مناخ أكفل به الايتام =واله مني علوم الطيب مربوعه ومثنيه
والا ياكبتن عتيبه قبل تعلب بك الاوهام =تحت هيبه لحانا فالزمان (البنت مرعيه )

كبتن عتيبه

ترى شرباً على يدين الرجال يجيك بالاندام =لو أنَّه مانلوم اللَّي يده من خلف ملويَّه!!
تحبَّ البنت.. مير الناس ترمي يمّها الأرقام=تغازلها ياسلطان المجنن والحونشيه!!


سلطان الجـذع

تبادل منفعه والطيب اللي مع رفيقه قام =عسى ربي يبارك في رجال تحتمي الهيه
هي اللي بين خلق الله بغتني والغرام هيام=ولا للناس حيله حبلها مملوك في يديه


كبتن عتيبه

بدينا وانتهينا يالعتيبي والسلام ختام=وموعدنا نهار السبت والعزوه عتيبه!!
ترى بعض المحبّه مثل حب الهند فالأفلام=ويازين المحبَّه كانها بعقود شرعيه!!

حمد بن جوباح 27-Mar-2008 02:57 PM
.
..

الكبتن والاسطورة

عز الله أبدعتم وأطربتم جمهوركم

صحت ألسنتكم

وبيض الله وجيهكم

:)

.
.
.

















تحياتي لكمـ ،،

خليفة مطلق 27-Mar-2008 05:31 PM
محاورة زينه
ولو ان حبالها متراخيه كثيراّ
صحت السنكم


الساعة الآن »08:57 PM.
صفحة 1 من 2 1 2
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd