.. للحفظ .. !

من فرحة الشعب السعودي للفرح عندي حضور = الفرحه اللي عشت فيها .. شفتها و أوحيتها
كنّه ندا .. صوت وصدى .. لأبعد مدى .. هذا السرور = والفرحه (إ)لها ليتٍ أزريت آصل أقصى ليتها
كلٍ يبارك يا خلف عن لابته بأصدق شعور = مباركاتٍ جيت أبحصيها عدد / ما أحصيتها
بالترقيه / وأيضا الثقه / من قادة الشعب الوقور = القمّه (إ)لها بيتٍ و آل سعود جوا في بيتها
حكّامنا وسط القلوب / من المهاد إلى القبور = الله يبقي حيّها / والله يرحم ميتها
عيال من وحّد وطنّا بالعدل وألغى الشرور = العين تشهد فعلهم من وين ما لدّيتها
إليا نخونا ثارت الخيل وبنادقنا تثور = نشرب فناجيل العدا اللي ليتها أقفت ليتها
وأنا عن اللي فعلهم تعجز توّصفه السطور = جبت الفريده / والقصيده / من غلا غنّيتها
عن ربعي عتيبه هل الوقفات من ماض العصور = هيلاً مهيله / لوّ أبمدحها عُمُر ما أوفيتها
نبعث تباريك الغلا / لك خصّ / بالصوت الجهور = وش فايدة مضمون تبريكاتنا لا أخفيتها ؟!!
هذا بعض ممّا نكنّه من غلا وسط الصدور = يا اللي تنومس مملكتك أرضيتنا وأرضيتها
وبه كلمةٍ يشهد بها غيري / وأنا ما أقول زور = وإن كانها زلّه تراني يا خلف زلّيتها
لا والله إلاّ يا خلف شاعر وطن وافي شبور = تشهد لك أبياتٍ على شان الوطن عدّيتها
شاعر وطن .. لا لم ولن .. ياتي مثيلك / للنشور = قصيدتك / كلٍ يفكّر كيف تبني بيتها
فالحرب شاعر / فالرخا شاعر / ولا فيهم قصور = شعارنا لو كان فالأبيات ما خصّيتها

المشاركة الأصلية كتبت بواسطة عبدالله الجـــذع (المشاركة 594325) وأنت سالم وغانم يابوهلال... عز الله انها وافيه ومن رجال وافي.. ونعم واله بك يأبن مشيب وصح لسانك وبيض الله وجهك. وفعلا انا مااشوف تفاعل هنا مع خبر الترقيه نهائيا .. دمت الى الأمام كما انت يأبن مشيب ..وماشاء الله عليك..

المشاركة الأصلية كتبت بواسطة ذيبان (المشاركة 594382) مبدع يابو هلاااااال صح لسانك عن كل حرف مليون لاهنت يالغالي اخوك

المشاركة الأصلية كتبت بواسطة مرزوق حمدان العتيبي (المشاركة 595040) .. . ابيض وجه وصح لسانك يابو هلال ... وابو هذال يستاهل ...