الليل واليا بغيت الدرب بالازهار مفروش = واللي يبا خوّتي فالدرب مادوّر بداله
كبتن عتيبه ياكبر الاسم ؟ والمضمون فاشوش = تدور الايام والكبتن على الدكّه لحاله

يالعازمي سوقها سوق الجمل والدرب مبروش=خوّتك ماتنكره والطيب ياموسع مجاله!!
لن كانها بالاسم ..فسمي بصدر المجد منقوش=وأن كانها بالفعل ..فعلي مع ارجال الشكاله!!

اجمالكم مالها جمّال لو اتغير وتشوش = يثبيت من يارد العد الرّها يسقي جماله
يوم العرب للخطر دون الديار اخيول وجيوش = فالاوديه عشت والا عشت فالسيل وجباله

ترى قصير اليدين يمدّها مايقدر ينوش!!=وترى قصير الحبال يموت ما تارد حباله!!
لا تنشد الناس كم قرُوشها ؟كانك تبى قرُوشّ!!=ولا تجحد اللّي نهار الضيق سلَّفكم رياله!!

دارت رحاكم. ولو دارت تدور ودورها بوش = خمسين ماعادلو واحد بميزان العداله
اللي يدينه تطول المجد للطّاله يبا يحوش = في ماقفه ماتقدّم ولْد عمّه بالوكاله

السلطه العالميه عانها مع بوش ابن بوش=لايرفع الراس ابن عاصي ولا يميل عقاله!!
بالِله ياراع العبيّه لاتحدّا راعي كروش=البيت عزّه بساسه والمعزه من ظلاله!!

مافي عيونه ياكود الما وجفنه ماله ارموش = واليارضي بالهزيمه مارضي عمّه وخاله
لو راعي اكروش شد الحيل فوق الراس طربوش = وقت الصمايل كروش اتحرن مافيها احتماله

ياللي تحسب العسل مغشوش ..أبد ماهو بمغشوش=مصيون مضمون ..والمغشوش عانه فالبقاله!!
ماودّي اطق راسك ياولد عمّي بشاكوش=أخذ الرساله ووصله مفسرّة الرساله!!

اللي تغذّا على المال الحرام ابطون وكروش = واللي تعلّا على المال الحلال اغبط حلاله
أدنات ماظهر حصيلك ماتداني طاري الهوش = هذا وانا ماسحبت الحبل من فوق المحاله

حنّا عرفناك بعد البث صار أقمار ودشوش=والاّ من أول كما جوَّال مقطوع أتصاله!!
المسفله عان عمدتها الكبير حسين شايوش=وأن مات تلقى العماده والشياخه مع عياله!!