على المرشدي بندر مشاريه و عتاب=( أنا أشره على الطيّب و يشره عليّه )
قضاة الحقوق اللي يفكّون الانشاب=لا تنشدهم إلاّ عن حلول القضيّه

ترا المرشدي عن واجبه يوم ماغاب=ورجله على دوس المخاطر جريه
ولا ياعلي ويش الدوافع والأسباب=إنا واثق إني ما فعلت الخطية

لو انّ القضيّه ضرب دبسا و مشعاب=تميدح بفعلك يا زبون الونيّه
ترى الله نهاك عن التنابز بالالقاب=يا قشر الخويّ اللي يعاير خويّه

ترا كل جسم مفصّلاً قده ثياب=تبا التالية والا تبا الأولية
تبا الحق فسمح لي اقول لك كذ..=ابن روق ما باقي لي إلا هاذية

نبا نرفع الشرهه لعكفان الاشناب=رجالٍ تمثّل عزوة المرشديّه
انا اقول ظنّي فيك يا صاحبي خاب=و لا انته على قدّ الهدف والحضيّه

أظن القضاء عنده قوانين وحساب =ولا يلتفت لحكامك العنجهيه
كبير الدقن ياقوم لكن نصاب=وما يضحك الرجال شر البلية

أنا البارحه شرّفت ابن غانم ذياب=و خطّابك و قال الخطيّه قويّه
قصير الدقن ما هو للامداح كسّاب=ولا يفلح الاّ فالعلوم الرّديّه

لا تظلم هذاك الرجل ماهوب مرتاب=يعرف العلوم البينة والخفية
تراك أنت مثل اللي يحارب بمنساب= يبا من خباله يطرح المروحية

أنا ماني بظالم و لاني بمغتاب=علومي تراها كلّها واقعيّه
لا تفتح على نفسك يابن مرشد أبواب=وتجيك العرب من كل فجّ و نحيّه

يقال الجليد إن بانت الشمس له ذاااااااااب=دقاق السوالف ما يجيب لك شيئه
طلعنا مع هل الطيب في كل مرقاب=ومع غيرهم مالي ترا قابلية