ســلام يالهيـلـوم تسلـيـمـة الـذيــب=فــي ليـلـةٍ مــا فـيـه غـيـر الـذيـابـه
تاصلك لسديـره مـع مفـرق الشيـب=وتحـوم فـوق الـدار حـوم السحابـه
وتقلط على شيخ الوفـا والمواجيـب=اللـي زهـاب الحاتـمـي مــن زهـابـه
من بعدها ترحيـب ترحيـب ترحيـب=ترحـيـب يالهيـلـوم مـفـتـوح بـابــه
أسندتهـا مـن فـوق ذيـك المراقـيـب=ووزعتـهـا مــا بينـكـم يـــا شـبـابـه
يا اهل الكرم والجود يا منبع الطيب=يـا تـاج راسـي عزوتـي يــا عتـابـه
واللـي يـدوّر فــي عتيـبـه عـذاريـب=يـقــول يـازيــن الـعـذاريــب لابــــه
يـا لابـةٍ تعطـي مـن الطيـب للطيـب=والهـا مــع الآجــواد قــدر ومهـابـه
حتـى رســول الله تجـيـه المنـاديـب=منكـم تجيـه المرضـعـه والصحـابـة
خال النبـي مـا عـاد يحتـاج تعريـب=خـال النبـي مـا هـو بـخـال الـزلابـه
وإن زدتهـا تقريـب تقريـب تقـريـب=حتـى الإمــام اختـارنـا فــي جنـابـه
يـالآولـه فــي كــل عّـــد ٍ وتـرتـيـب=بـآقـولـهـا بالمـخـتـصـر والـنـيـابــه
حـنّـا بهالـدولـة صـقـور المعـازيـب=يـا حّـي طاريـهـم ويــا مرحـبـا بــه
أخـوان نـوره بُـردة الذيـب يـا ذيـب=فــي لـيـلـةٍ مـافـيـه غـيــر الـذيـابـه

المشاركة الأصلية كتبت بواسطة شامان الاسعدي (المشاركة 568009) صح السااااااااااانك

المشاركة الأصلية كتبت بواسطة معجب العتيبي (سارح البال) (المشاركة 568043) صح لسانك ابيات تستحق القرائه شكرا على ماقدمت

المشاركة الأصلية كتبت بواسطة محب الهيلا (المشاركة 568053) صح لسانك مشكور وماقصرت

المشاركة الأصلية كتبت بواسطة الذيبان (المشاركة 568672) صح اللسااااااانكـ....... تسلم بيض الله وجهكـ

المشاركة الأصلية كتبت بواسطة أبو نجر النفيعي (المشاركة 569031) .. الله الله .. صح لسانك مليوون يا جمال .. قصيده في قمّة الجمال .. وفي انتظار جديدك بشغف .. :) أخوك

المشاركة الأصلية كتبت بواسطة عبدالرحمن الهيلوم (المشاركة 569046) مشكووووووووووور يالغالي وصح السانك وتري بيتك الاول اخذته في توقيعي

المشاركة الأصلية كتبت بواسطة صنداح الزلامي (المشاركة 569404) جمال الربيعي صح لسانك وبيض الله وجهك قصيدة من شاعر مبدع مسندها الى شاعر مبدع كذلك دمت بحير جمال وفي انتظار الهيلوم