سلام تسليمه لها قيمه تخص الطيبين من الرجال اللي لهم في حلقة التاريخ دور=ياعتيبه الهيلا خذيتوها من الطاغي بسيف الخيل راحت والأبكار اليوم جا منها بكار
الليله الليله سرى المعنى على البحر الطويل ألذ وأطعم فالمعاني من قصيرات البحور=ياوين أبلقى شاعر(ن) يقنب وأنا أبقنب معه عساه مايجهل طويلات البحور مع القصار

يامرحبا في مرحبا ترحيب يالجزل الجزيل اسوقلك ترحيب صادق من غميقات الصدور=اقولها واسوقها من قول عز وقول طيب مادامها ترفع عتيبه عزوتي سر وجهار
الليل يا أيمن شد حيلك والسوالف باقيات إن كان تبغاها تسجل يالعتيبي فالسطور=حضرت أنا والذيب يقنب عادته وقت اللزوم ماني بجاهل والدروب أدلها ليل ونهار

دام البقا بك يالعصيمي ماترحب غير طيب النفس تفرح في لقاكم واللقا سر الظهور=لكن أنا ماجيت ناشد فالحلال وفالحرام الذيب ماهرول عبث ولا جفل من طلق نار
ياناصر أفطن وأنتبه ماغاب غايب غير عاد العوده اللي مالها معواد شفها فالقبور=والديره اللي حرروها مابقى فيها شجاع السيف ينسف له حصان ويدرق خلفه حمار

الفارس اللي ماعسف خيله يبا يقعد بها اطمح على راس السنام وخل عنك السور سور=أنا اعرفك ودك تحوم وتعتلي كل الديار لكن أخذ حسوك ترى جو الرمك كله غبار
يا أيمن ترى حد الحما حد الحما حد الأمان أليا تعديت الحما ورد سهمك ولا تبور=انته بطل وأصل البطل يرقا على العليا سنود يشهر بطيبه مثل من يشهر من القمه وطار

ياناصر الميقاف ظني مايشابه الجلوس الشرع مايحكم بتورات اليهود وبالزبور=حسب أعتقادي يالعصيمي ماتهاب ولا تخاف أنته من أعيال الذيابه ياولد ولا الحرار
أبيك في صفي وشوفك رحت عني مادريت أن الليالي ساريه ياذيب والداير يدور=لكن انا ماني مسوي مثل ماسوى معي راع الستار الله يجيره لين ينهد الستار

الحكم يبغاله ولد مايتقنه سمر العبيد عكس الشهاده لا دخلها واحدنٍ شهاد زور=وانته مداوي للجروح اللي تضيع اطبابها ماهي غريبه وانت نسل اللي لهم قدر وقار
انا حزامك درع جنبك فاللقا مالي كرم مهوب في وقتي هذا ألا من قديمات العصور=رسمتلك سهم الهدف من زود حرص وزود خوف ابغاك لامنك نويت الغزو ترفع لك شعار

على كذا مالك عذر لا صاح فالقوم النذير المعركه ياصاحبي منها ترى ما انت معذور=انا علي الميمنه وانته علاك الميسره والموت واحد مايجي فيه التشاور والخيار
الحمد لله ماعصيت ولابتليت المسلمين لكن انا مليت من كلمة عتيبيٍ صبور=الصبر في هذا الزمن مثل المذله والذليل اما حياةٍ يابن عاصم صح وألا يادمار

تفرحبنا يا أيمن وحنا فزعةٍ تبر الغليل أليا فزعنا سهمنا سموه فجاج النحور=أنت ابذل اللي تبذله مادمت حمال الثقال واللي تبقا لايهمك يابن مشعل صار صار
لا لا ولا لا يالسليس الله يعديك الملام اسم العتيبي شيك بنك ولايجيه من القصور=الصبر مفتاح الفرج مافيه شك ولا شكوك خل الفتيله تشتعل والزند يقدح بالشرار